ISAIAH 47:11 - Sumi Naga CL (Re-edited) Bible (BSI)

¹¹ Ikemu alhoksa no o shou ikughi nani, no ye kishino tipau khonhaveni keno mtha nani; küsakusho no o shou ikughi nani, no ye tipau lochile mla nani; eno nono khilemu ithimo keu amhekiqi no paikhavi o shou ikughi nani.

BAIBEL (BSI)

¹¹ Oshou kutsakungo keu ikughi nani, eno owu kuduu shichekeu lakhimu tipau lakhamla nanike. Zuleno ixapinyikeu oshou ikughi nani, tiye nono khilemu pumo chemokeuke!

ISAIAH 47:11 Iomraidhean Croise

NEHEMIA 4:11

Eno ni ghümi no pi, “Nino panongu dolo iloghi no pithive püzü akümla lakhave tsü moke kutolo, panongu ye ningu ithimo nani momu ithulumo nani.”

LESHELE 35:8

Pa no mtha no akelono kütsakungo pa shou ikughive pelo! Eno pa no alichhe shipüa keu no pa meluve pelo; pa kütsave penike tipau lo ikiqi ilove pelo!

LESHELE 50:22

“Tishiaye no Alhou kümsümave keu, hi amichi shilo, tikumo aye xaluni kemi kühano I no o sütha pinyive nani;

LESHELE 55:15

Akithi no pano küghaluve pelo; aküxü no Kithigha lo iqive pelo; kughengu alhoksa no panoqo kungo-a eno pano lolo anie.

LESHELE 73:19

Panongu ye kishi paikhavi lono kütsave kea, aküighüpu no qhoi jolepe wuvae!

AHOLE 13:21

Küsakusho no axinemi pape cheni, ikemu amikuchomi ye thime kivi pesü pa saxü shitsü cheni.

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

ISAIAH 29:5

Ikemu no ghümi aqokitikhi timi kichiqhi chekeqo ye amkhu eno amuu fupe cheke toive nani. Eno paikhavi, züleno,

ISAIAH 30:13

qhemghai keu tupi ipo ipeghi no züleno ilaqighive keshi nongu lau hipau xine no titoi ighi nani;

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

ISAIAH 47:9

Atüqhüdo kini o lau ighi nani paikhavi no atsala lakhi lono ighi nani; nono küdüu jeli peithaju anamu eno asakiqhi kumto anamu atianuli thive keu ngo chimemi shive keu küma ighi nani.

ISAIAH 48:8

Nongu ye khilemu chilu mphi, khilemu ithi mphi, khaghi nomu hipatsa nongu kini lo iloghi mphie. Kughengu I no ithi ake nongu ye pishikiqhimi eno nongu punu mphi lonomu nongu ye hekibidemi ipi kuche ke.

ISAIAH 57:1

Amikuchomi no thive keghi khumu amlo lo kümsüpu moe; khunomu vethamla no akelono amlo kütsümi sawuve ke. Kughengu achipiu-mikuchomi ye amhekiqipu lono sawuve;

JEREMIYA 51:29

Ayeghi no khokhoshi eno aküsü lono ihi ani, kughengu Ampeu kimji Babylon yeghi pesü timi kühano küghüve tsünikeu ye shi ayae.

JEREMIYA 51:43

Li phughiqo ye kümsapu, züha eno asayeqha yeghi shivae, khunomu küghüna movae, eno khunomu kathawu movae.

JEREMIYA 51:8

Babylon ye züleno ikiqive no kütsalevae, li kümsü qalo! Li küsü ghenguno nukümtshau lulo, tinomu li shipivi luvie.

AKUMLO 1:21

“Panongu no I küsü ghügha chilu kemu khunomu I lokughuno tsüni kemi kühae. I ghümi kümtsü no ti chiluvae; Nono hipau shivae pi panongu ye alovi anie. Nono sheshuke tsala lono saghivae; itehi ye panoqo ghi I toive pelo.

EZEKEL 7:26

Kütsakungo keu shelo kütsakungo keu ighi; alatsa veküpha keu shelo alatsa veküpha. Panongu no tungkupu launo kungunhetsü phuju nani; achinemi launo ayezah eno layemi launo akükütsü pühave nani.

MATTHEW 18:34

Eno pa xukighide lono aqeu huno api lokha moke kutolo ghime penike aghime kütsümi u lo süvetsü.

Luke 12:59

I no o vilo piani, nono ghükayi akulotiu kutolo tsümo kelo khilemu o khaqhi phemo nani.”

Luke 17:27

Noah no ashukaki lo iloke tsala kutolo timiqo ye alovi chusho, anipu lusaghi, eno akimi gholo külawo ishi ake lono züqo ighive no kümtsü püghave.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.