ISAIAH 46:6 - Sumi Naga CL (Re-edited) Bible (BSI)

⁶ Khunono panow pisabo lono ameshoyi ikhiphe cheni, eno ahu lono ghükayi mighi cheni keno panoqo no ameshoyi kiyiqimi ajume tsüno alhou mlaphepe cheni; panongu no itsaqi ti mlla cheni!

BAIBEL (BSI)

⁶ Timino pisabo lhapheno shunayi lephe cheni; panonguno tsandiyi ahhu lono mighi cheni. Panonguno shunayi kiyiqimi pelo alhou lakhi mlatsupe nike piqe cheni; panonguno itsaiqino tipau mlla cheni!

ISAIAH 46:6 Iomraidhean Croise

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

LESHELE 115:7

Panongu ye au ani, ikemu bulu chemoe; apukhu ani, ikemu chewulu chemoe; eno panongu ye pano kughoki lo kiu ghüghamu ighalu chemoe.

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

ISAIAH 2:8

asü-atu julho no pano yeghi chhitoi ani, panongu no pano u lo kümla zülo itsaqi auvae.

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

JEREMIYA 10:14

Timi kümtsü anikha eno akighithi kühae; ameshoyi kiyiqimi ye pa no mlakeu julho no shikujo, kughengu pa julhoqo ye kichile, tipaqo lolo atuthu kühae.

JEREMIYA 10:9

Ghükayi ye Tarshish lono süghi cheni, eno ameshoyi no Uphaz lonoe. Tipaqo ye külalumi eno ameshoyi kiyiqimi kümlae; tipaqo phimini ye hughai eno tsülabei; ti kümtsü timi u lo kümlae.

JEREMIYA 50:38

Li züghi ye chethovepe nani! Kughengu aghakhu ye ajulho yeghi shivae eno panongu ye ajulho no shiküghüzü auvae.

DANIEL 3:1

Akükau Nebuchadnezzar no ameshoyi julho lakhi mla, tipau ye akiqhelau auxakuchho muku tsüni eno akijelau no auxakuchho küthü. Pa no tipau pesü Babylon lo Dura qayeghi lo ghope qhi.

HOSIYA 13:2

Eno itehi ye panoqo no alau eno alau axine shino pano sala ayi julho mla ani, panow ghükayi no kütshakügha shi ajulho mla ani, ti kümtsü kütshakügha kümla kishimi noke. Panoqo ghili ishi picheni, “Timi heqhipe mlla chekemi no amshitsü mümae!”

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.