ISAIAH 45:9 - Sumi Naga CL (Re-edited) Bible (BSI)

⁹ “Khuu no pa lhokeu sasü mtoni keno ahasapue, pa ye ayeghi li dolo lakhike! Aghani ye ali kümlau vilo, ‘No ye kiu mla ani kea?’ momu ali ye akümlau vilo, ‘O kümla ye akixi kühae’ ipi luni keshea?

BAIBEL (BSI)

⁹ Ayeghiliye pa lhokeu ghechilenike ighumoni kesha? paye ali kutauqo paphi keno kuu. Aghaniye alikishiu vilo kiu shiani kelapi iniju cheni kesha? Aliye pa lhokeuye kutshakugha kuha kepi muchhoni kesha?

ISAIAH 45:9 Iomraidhean Croise

JOB 10:9

Nono aghani pesü I mlaphe keu kümsülu lo, itehi ye I küghape ayeghimkhu lo puwoveni keshea?

JOB 33:13

Kushiye, ‘Pa ye timi tsa kiumu khochile tsümo nani’ ipi no ye Pa sasü kighe ani kea?

JOB 40:2

“Akipimi kuphuu ye Akughushuu sasü kigheni aphi kea? Khuu no Alhou sasü kighe ani keno pa no khochilelo.”

JOB 9:12

Pa no mxape wuve namu khuu no Pa hachilepe, ‘No ye kiu shi ani kea?’ ipi luni kea?

JOB 9:4

Pa ye alokütsü eno aküka kughushu ke khuu no Pa mjochile no toluve akea?

AHOLE 21:30

Alokütsü, vethakulu, mijekütsü kiunomu Ampeu theqhimla nani.

YETSAPIU 6:10

Kiu kiumu lho ipeghive keqo thaqhü ye azüuno aje tsüvae, eno timi ye kiu qhemi keno ithivae; pa nguno akumtou akeu sasü kütsala mlae pikeu ghi ithivae.

ISAIAH 10:15

Amüghü momu küxüyi ye pa peitha chekeu kütsü lo iku qolu nani keshea? Ti ye aqheküsü momu asüthalu no timi peitha cheghi kepu toive niae!

ISAIAH 29:16

Nongu no thokha akütsü no aqhoshi tukideve cheni! Alikümlau pesü aghani ipilu nanio? Ali ye akümlau vilo, “Nono I mlake kumoe” ipiluni keshea? momu lhophe keu thime ye lhokipheu vilo, “No ye mla mthae” ipini keshea?

ISAIAH 45:10

Timi khuu no papu vilo, ‘No ye kushiye ishi I lho kea?’ momu aza vilo, ‘No ye kiu ghenguno ime ani kea?’ ipini keno pa ye müsüinivae.”

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

JEREMIYA 18:6

“O Israel kibo, alikümlau hipau no shike toi Ni ye nongu mlalu moni keshea? ipi AMPEU no asheshu. Julo, alikümlau u lo aghani aketoi, nongu ye I u lo ani, O Israel kibo.

JEREMIYA 36:29

Judah kükau Jehoiakim vilo pilo, ‘Ampeu no ishi piani, Nono ishi pipüzü liküküzü kaku hipau pitivae, “No ye kushiye tipau lo Babylon kükau no mtsüqhei ighi no ayeghi hipau kütsave nani eno timi ngo tüghashi pühave tsü nanie pi yepuku kea?”

JEREMIYA 50:24

O Babylon, I no o ghenguno alichhe shipe o kitime kemu no ye ithimoe; o phuluve eno küghaluvae, kughengu nono Ampeu mjoke.

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?