ISAIAH 45:5 - Sumi Naga CL (Re-edited) Bible (BSI)

⁵ Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

BAIBEL (BSI)

⁵ ‘Niye AMPEU ke; alhou kutau kuhake. Noye ni ithimono aghi pinamu nono akumto avehupu shiakeu ino otsu nani.

ISAIAH 45:5 Iomraidhean Croise

KUKAMI ATUGHIU 8:60

Tishikeu lono ayeghi lo ashiaye kümtsü pelo Ampeu ye Alhou, eno alhou kütau ye kühae pi ithi peni.

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

JOB 12:18

Pa no kükami yikichhe kighi kuqhove tsü cheni, eno pano chita lo chighichepu khatsü cheni.

JOB 12:21

Pa no gihuküzümi shou thoküghapu pukutsü cheni, akumtomi pokha xavetsü cheni.

LESHELE 18:31

Ikemu Ampeu no kumo aye khuu no Alhou kea? Ni Lhou likhi no kumo aye, khuu no atuqu kea?—

LESHELE 18:32

Alhou no akumto pesü I lolo shepichhi tsüe eno I laghi lo tukutiye kühakeu shitsüe.

LESHELE 18:33

Pa no I pukhu pesü ashe pukhu toi shitsü eno qhemghai ke-a lo I pelo tsaqüi ngolupe.

LESHELE 18:39

Kughengu Nono aghüshi ghenguno akumto pesü I tsüe; khunono I mjochile keno Nono panoqo pelo I qholo ikiqivepe.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

IPEKULU 9:14

Kughengu itehi ye I no püsa kümtsü no ampi shou eno o qemi ngo ow timiqo shou puku nani, tishikeu lono ayeghiqha kümtsü lo I toi kemi khumu kühae pi nono ithi nani.

ISAIAH 22:21

eno ow chijeboike phi ngo o pokha pesü pa pipe no o kükagha pesü pa u lo kulhuqhitsü nani. Eno pa no Jerusalem lo küami eno Judah lagha papu shive nani.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

ISAIAH 47:8

Tighenguno itehi hi inilo, nongu aghakiqipu kimiye eno sükusho qholo ngono amlo lono ishi piche keqo, “I likhi ke, I nguno kütami khumu kühae; Ni ye chimemi toi iqamo nani momu atianuli pühave keu mloküsa ithimo nani”:

EZEKEL 30:24

I no Babylon kükau umlo shikumtove tsü nani eno I zütakikihi pa u lo sütsü nani, ikemu I no Pharaoh umlo ye hechheve tsü nani, eno pa ye timi lakhi no akithipu ghüzaku xapu aketoi Babylon kükau zülo aküsü ghügha igha nani.

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

John 1:1

Abothu lono Atsa ae, Atsa huye Alhou gholo ae; eno Atsa huye Alhou ke.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.