ISAIAH 45:21 - Sumi Naga CL (Re-edited) Bible (BSI)

²¹ Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

BAIBEL (BSI)

²¹ Ighilo eno kughakutha alo nongu wu atsa kukughapu pesu ighilo; angulami dolono atsa kighinikile jupelo. Kiu shive nani keno khuuno khaghino asheazu shi pikya? Tiye ni, AMPEU timi xaluchekeu Lhou no kutau lhou kuhake ipike kumo kesha?”

ISAIAH 45:21 Iomraidhean Croise

LESHELE 26:7

asütsa kije lono shikimthikütsü sheshu ani, eno Ow kümzapu kümla kümtsü pitsü ani.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

LESHELE 96:10

Shiyeqo vilo pilo, “Ampeu no ayepe ani! Iyei, ayeghiqha ye mtotoi ani eno khilemu ithavemo nani; Pa no achipiu xakütha pesü timiqo shou küghatha nani.”

ISAIAH 19:20

Tino Egypt lo aqokitikhi MPEU akeu michipu shi nani. Kughou nedaqoda ke ghenguno panoqo no Ampeu lau ighamkuni keno, Pa no xakuluu eno sükushou puwu no panoqo xaphelu nani.

ISAIAH 41:26

Khuu no abothu lono hi sheshu, momu azüuno pi kea? Tishianguno ningu pelo, “Pa ye achipie” ipi peniye ke. Khunomu sheshumo, pikülhamo, nongu no pikeu chilu püamoe.

ISAIAH 43:11

I likhi no Ampeu ke, I nguno xakuluu kütau kühae.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

ISAIAH 43:9

Shiye kümtsü no hekütsü, ashiaye kümtsü no kumqo ke. Panongu dolo khuu no wove keu vehu pilu eno ni vilo tipa vehuqo pilu nani kea? Panongu pelo pano chipiu gholo thopimi saghi pelo, panongu pelo ti chilu no, Hi ye kuchoue, ipi pelo.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

ISAIAH 48:14

“Nongu kümtsü kumqope inilo! Hipaqo dolo khuu no avehu hipaqo sheshu püani kea? Ampeu ye pa kimiye ani; Pa no pa kukughu Babylon shou shi nani, Pa u Chaldeami shou iku nani.

ISAIAH 48:3

“I no khaghino pichho tsüe; I kichi lono I no sheshue; paikhavi tipaqo ye shikupuve.

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 63:1

Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

ZEKHARIA 14:7

Ti ye Ampeu likhino ithi akeu akimchi tsala shinani, putho mu pucho mu kumokeu tsala, ikemu avelau no aküvü ighive nani.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.