ISAIAH 45:14 - Sumi Naga CL (Re-edited) Bible (BSI)

¹⁴ Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

BAIBEL (BSI)

¹⁴ AMPEU no Israil vilo pi, “Ijip ngo Sudan lo kinikulu akeuye owu shi nani, eno Seba lo timi kushuwaqoye oqemi shi nani; Panonguye ayi kichheno tshupesu opape nani. Panonguno ozulo itsaiqi puzu ishi piphetsu nani, ‘Alhou ye ogholo ani, pa likhino Alhou ke.

ISAIAH 45:14 Iomraidhean Croise

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

SAMUEL AKINIU 21:20

Itaghi Gath lo aghüshi, tile sübosüghimi lakhi ae, pa ye au kinikujo lo auloti tsüghogho eno apukhu kinikujo lo apukhuloti tsüghogho, aqolo muku bidi ae, pa ghi sübosüghimi kughukomi.

ESTHER 8:17

Aphughi kümtsü lo khile akükau yezah ighi keno, tile Jewmi dolo amlokiqi eno alokivi, aghulhu eno tiqhetini shi. Eno aghakhu lo timi kutomo no panongu ghi Jewmi kepi shuphe, kughengu Jewmi kümsa no panongu shou ikughive ke.

JOB 1:15

paikhavi Sabeami no ighi püzü tipaqo hakholuve no sawovae eno azütakikihi pesü aqemi ghiqhi khave tsüke akushukulu I likhino pokasü o vilo piniye ighilu anie.”

JOB 11:19

Khumu o shikümsa mono no ye zühulu nani eno kutomo no o kukuphu laju ighi nani.

LESHELE 149:6

Panongu no Alhou sheqhe kelo alovi ighamku pelo, eno putoputo zütakikihi panoqo u lo pesü ngo pelo,

LESHELE 149:8

panow kükami yikichhe no tshüluve eno pano yepemi yikichhe no tsügha luve,

IPEKULU 11:8

Eno o qemi hipaqo kümtsü no I lau ighi no pishiqhope pi nani, ‘No eno timi o pape chekeqo kümtsü ipevelo.’ Eno tithiuno I no ipeve nani.” Eno pa no amloidesü Pharaoh launo ipeve.

ISAIAH 10:33

Julo, Alhou, aqokitikhi MPEU no akümsapu küka lono aloka loqhi nani; shishe chuqumghai keu yeqhive nani eno qhemghai akeu sünheqhive nani.

ISAIAH 18:1

Aha, Cush ghoki kukuu achishiboqo no nhakeu yeghi,

ISAIAH 18:7

Tipa ghuloki lo timi hipaqo no aqokitikhi MPEU lau sükusho süqha süghi nani puyelei eno qhemghai kemi, aphivilo eno putou küami no msa chekeu, akumto eno qhaküsü shiye, aghokiqo no pano yeghi kotha ani, panongu no Zion toghi, khile aqokitikhi MPEU je acheni keno, tilehi süghi nani.

ISAIAH 19:21

Ampeu ampi no Egyptmi lau pephe piye nani, tipa ghuloki lono panongu no Pa ithi no aghakishi ngo akümllagho pesü mlla nani, eno Pa lau ashoqhi shino ti pape nani.

ISAIAH 19:22

Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.

ISAIAH 23:18

Li no kimje kelono ala shilu keu eno li jume ye pekütsü momu kike mono akimthe shi Ampeu tsü nani. Khunono Ampeu nhethe lo acheni keno, tipau pesü pano chuqupu ngo aphimini kivi kupukuno shi qhütsü nani.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 45:24

“I ghili ishi pinani, I lau likhi no achipiu-mikucho eno aküka ani; khunono I mjo cheni keno, tipaqo ye ighi no kujove nani.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

ISAIAH 55:5

Julo, itehi nongu no mtha kemi shiye kupuwu nani; eno shiye nongu mtha kemi no nongu lau po ighi nani, kughengu Ampeu nongu Lhou, Akimtheu Israel Lhou no nongu pesü ajekipipu shive tsüke.”

ISAIAH 60:3

Shiyeqo nongu küvü küdau ighi nani, eno nongu tsala kithe ipeche keu küdau kükami no ighi nani.

ISAIAH 61:9

Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

EZEKEL 23:42

Ghuthoghüzai kemi sütsa chilu ae, eno asayeqha lono shokümzümi saghi; panongu no totimiqo u lo asapu sütsü eno jukivi kütsüqho pipeke.

EZEKEL 31:3

Julo, Assyria ye Lebanon lo cedarbo lakhi ke, jukivi loka eno aghasü kicheqho, chuqumghai iku khüngküsü toe.

JOYIL 3:8

I no Judah timiqo u lo no tianuliqo jesüve nani, eno panongu no putou akemi shiye Sabeami lau jepuwuve nani, kughengu Ampeu no piqhivae.”

AKIKIHI 13:32

Ikehu panongu no ayeghi pujuwu keu lo akumou sütsa pewo Israelmi lau külhave ghi pi, “Ayeghi khikhi nino puju niye wu keno, tipau ye tile xüküami munove cheni, eno tile xüküami nino ithulu kemi kümtsü shishe chuqumghaie.

1 Kor. 14:25

Pa mlo lo tuqhouqo lhepheve akehu pa ye agi pishiqhope Alhou mlla no kuchou no Alhou ye nongu gholo anie pi shuphe nani.

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.