ISAIAH 45:1 - Sumi Naga CL (Re-edited) Bible (BSI)

¹ Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

BAIBEL (BSI)

¹ Cyrus pelo akukau shipenike AMPEU no pa kisheluvae! Ashiayehqo lelupenike AMPEU no pa susu puanike; kukamiqo kuka liluve penike pa puwuke; pa pelo ilolupenike AMPEU no aphughiqo khagho khaqhitsu nani. AMPEU no Cyrus vilo pi,

ISAIAH 45:1 Iomraidhean Croise

KUKAMI ATUGHIU 19:15

Ampeu no pa vilo pi, “Damascus sayeqha la lono idewove lo. Aphughi lo ilo no Hazael pelo Syriami kükau shipenike nukishe lo.

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

JOB 12:21

Pa no gihuküzümi shou thoküghapu pukutsü cheni, akumtomi pokha xavetsü cheni.

LESHELE 73:23

Ikeghi, ni ye alhokuthu O gholo ani; Nono I u ajeu mtupe ani.

ISAIAH 13:2

Agha itsümoke toghi lono amchipu peqhepe ighamku ghüshimi kulo; aqheküzami phughi khagho lo ilo penike au kihipe panoqo tsülo.

ISAIAH 13:3

Ni ampi no Iw kishekiphemi azah tsüvae, eno I loghu pepheni ke I ghütomi, I juaje shikütsümi ku kumqovae.

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

ISAIAH 41:2

‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

ISAIAH 41:25

I no ahuu no milakhi hakutho eno pa ye ighivae, pa ye khetsünhe kipelau no ighi, eno pa no I je ku nani; alikümlau no aghani qoda keshi, pa no yepemi qoda nani.

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

ISAIAH 48:15

Ni ampi no pi eno pa kulue; I no Pa saighi, pa ye thokha lo kinikülü shi nani.

JEREMIYA 27:6

Itehi ayeghi hipaqo kümtsü pesü I qeu Nebuchadnezzar Babylon kükau u lo süve tsüae, eno aluza lo tüghashi ghi pa huthu penike tsüvae.

JEREMIYA 43:10

eno panoqo vilo pilo, ‘Aqokitikhi MPEU, Israel Lhou no ishi piani: Julo, I no I qeu Babylon kükau Nebuchadnezzar puwu no pa kükalakhü pesü I no atu qhopüa keu shou ghotsü nani, eno pa no atuquqo shou pa küka pushonha xakho nani.

JEREMIYA 50:3

“Ahuu no shiye lakhi Babylon lenike ighi ani, tino li pesü küghüve tsü nani, eno khunomu tile küghüna move nani; timi ngo lhoxü kümtsü pove nani.

JEREMIYA 50:35

“Ampeu no sheshu, Babylonmi lo küxümi, liw hiyampemi ngo alokütsümi, Chaldeami shou I no azütakikihi süghi nani!

JEREMIYA 51:11

“Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

JEREMIYA 51:30

Babylon ghüshimi ye aghü shimono ngovae; panongu ye pano liwo lo ani; pano küka ye hauvae; panongu ye totimi ilhouvae; pano phughi ye ami no piti ani; pano khaduqo ye kubolevae.

JEREMIYA 51:58

“Aqokitikhi MPEU no piani: Babylon liwo shishoi keu ye ayeghi lo xaleqhive tsü nani, li khagho qhemghai keqo ye ami no pitile qhive tsü nani. Ashiayeqo no mla chekeu ye adou shive nani, shiyeqo no ime chekeu ye ami no pitive nani.”

EZEKEL 29:20

Pa no akaghashi mlave keu jumeshi I no Egypt yeghi pesü pa tsü nani, kughengu panongu ye I ghenguno mlave akepi Ampeu Alhou no asheshu.

DANIEL 5:6

Tileno akükau ju ye kilive, eno pa kükümsü no pa shithüghüive; pa phiau no thizümüive no pa khonhe no kügha thuve.

DANIEL 7:5

Julo, tüghashi akiniu, ava toie. Tipau ye a-a lakhi lono sünheqhe. Tipau ye akuchughi küthü pa kichi lo ahu dolo ae; eno tipau vilo pi, ‘Ithulo, aghakiqishi ashi chulo.’

DANIEL 8:3

I no I nhethi tsüpuku no ithulu, julo, ambetsü lakhi azüla mkülo puthugho ae. Tipau ye akibo kini ae, eno akibo kinikujo qhemghai, ikemu lakhi no lakhiu nguno qhemghai, eno qhemghai keu no ashekhau shi ipeghi.

DANIEL 8:4

Ambetsü ye kulolau, ahuu eno apeu pohu powo aghi keu I no ithulu. Kiu tüghashi mu pa zülo puthugho lumo, eno pa küka launo xaphe luni kemi khumu kühae. Pa no kümsü pulo aketoi shi kije shive.

NAHUM 2:6

Aghoki khaghoqo khaqhivae; kükaki ye pitikümlavae;

NAHUM 3:13

Julo, ow ghüshimiqo ye topumiqo toike. O yeghi lo khaghoqo ye o ghümi lau khaqhi püani; ami no o khaduqo pitive tsüae.