ISAIAH 44:8 - Sumi Naga CL (Re-edited) Bible (BSI)

⁸ Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

BAIBEL (BSI)

⁸ Iwu timiqo, msakevilo! Nonguno ithianike khaghi ghuloki lono itehi kutolo kiu shini cheni keno kumtsu ino ashe azushi pike, eno nonguno iwu thopimiqoke. Kutau lhou ani kesha? Ino chimla aphi keu lhou akumtou khami ani kesha?”

ISAIAH 44:8 Iomraidhean Croise

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

BOTHUBO 48:19

Ikemu papu no milive no pi, “I no ithi anie, I nu, I no ithi ani. Pa ghi ashiaye kije shi ikowo nani. Tishinamu, pa thiküzüu ayitiu no pa nguno akijeu shi nani, eno pa tikughuko no aqokitikhi shiye shinani.”

SAMUEL AKINIU 22:32

“Ampeu no kumo aye Khuu no Alhou kea? Eno ni Lhou likhino kumo aye Khuu no atuqu kea?

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

EZRA 8:22

Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

LESHELE 18:31

Ikemu Ampeu no kumo aye khuu no Alhou kea? Ni Lhou likhi no kumo aye, khuu no atuqu kea?—

LESHELE 18:32

Alhou no akumto pesü I lolo shepichhi tsüe eno I laghi lo tukutiye kühakeu shitsüe.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 26:4

Alhokuthu Ampeu lau pükhülo; kughengu Ampeu Alhou ye lhokta tuquke.

ISAIAH 30:29

Akimthe tiqhetini ikhiluke ji lo toi nongu no alovi ale phe nani, eno milakhi no Ampeuw naghuto lo, Israel Tuqu lau fulili ighasü iqho cheke toi, nongu no amlo qiqhiyi nani.

ISAIAH 41:23

Hipa thiu kiu shiveni cheni keno ni vilo pilo, tishianguno nongu ye alhouqo kepi nino ithini; akivi momu kütsakungo keu shijulo, tishikeu lono ni pelo aghüthisüve momu msaichive pelo.

ISAIAH 42:9

Julo, wovekeu vehuqo ye shikupuvae, eno itehi ye I no akithe vehuqo shuphe ani; tipaqo no ipeghi mphi lono, I no nongu vilo piani.”

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 43:11

I likhi no Ampeu ke, I nguno xakuluu kütau kühae.

ISAIAH 43:12

Nongu gholo kütau lhou lakhimu küha aphi lono, I no shuphe, xalu eno pikülha, nongu no Iw thopimi ke,” ipi Ampeu no sheshu ani, eno “Ni ye Alhou ke.

ISAIAH 43:9

Shiye kümtsü no hekütsü, ashiaye kümtsü no kumqo ke. Panongu dolo khuu no wove keu vehu pilu eno ni vilo tipa vehuqo pilu nani kea? Panongu pelo pano chipiu gholo thopimi saghi pelo, panongu pelo ti chilu no, Hi ye kuchoue, ipi pelo.

ISAIAH 44:2

O lhokeu Ampeu, khuu no atita lono o lho eno o kuphu nani keno Pa no ishi piani: O I qeu Jacob, msa kevilo, I no kisheluve keu Jeshurun.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

ISAIAH 48:3

“I no khaghino pichho tsüe; I kichi lono I no sheshue; paikhavi tipaqo ye shikupuve.

ISAIAH 48:5

I no khaghino nongu vilo pike, tipaqo shimphi lono I no nongu vilo pike, ti ye nongu pelo ishi pipemo niye ke, ‘I julho no hipau shike, I süatu julho eno ayi julho no azah tsüke.’

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

John 1:1

Abothu lono Atsa ae, Atsa huye Alhou gholo ae; eno Atsa huye Alhou ke.

John 10:30

Ni eno Apu ye lakhie.”

John 6:10

Jisü no pi, “Timiqo küghüqave lo.” Tile atsüni kutomo akehu timiqo no iqakhave, kiptimi likhino 5,000 qhalo ae.

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

ZAKINIU 32:31

Ni ghümiu ghi pano tuqu ye ni Tuqu toimo kepi ithi anie.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

1 John 1:2

kughou aküxüpu tipau pephe piye keno, ningu no ithulu no ashepe shitsü, eno lhokta küxü khikhi Apu gholo ache püzü ningu lau pephetsü keno, tipau pesü nongu lau sheshu ani.

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.