ISAIAH 44:6 - Sumi Naga CL (Re-edited) Bible (BSI)

⁶ Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

BAIBEL (BSI)

⁶ AMPEU, Israil shou ayehkipeu eno sushokuluu, Akughushu MPEU no hipau pianike: “Niye atughiu, ashekhau, ilikhino Alhou; inguno kutau Alhou kiumu kuhae.

ISAIAH 44:6 Iomraidhean Croise

LESHELE 86:10

Kughengu No ye kije eno akümzapu kümla shicheni; O likhi no Alhou ke.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 37:16

“O aqokitikhi MPEU, Israel Lhou, cherubim shou kükalakhü lo iqa chekeu, ayeghi lo kükaqha kümtsü shou Alhou ye O likhie; Nono atsütsü eno ayeghi lhopheke.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

ISAIAH 40:18

Imaye nongu ye khuu momu kiu pesü Alhou kimhe tsüni kea?

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 41:21

Ampeu no piani: atsa kükügha lo nongu chipiu süghilo; Jacob Kükau no piani, nongu chipiu süghilo.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 42:8

Ni ye Ampeu, tino I je ke; I juküvü ye khumu tsümo nani, momu I sheqhe keu pesü ajulhoqo tsümo nani.

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 43:9

Shiye kümtsü no hekütsü, ashiaye kümtsü no kumqo ke. Panongu dolo khuu no wove keu vehu pilu eno ni vilo tipa vehuqo pilu nani kea? Panongu pelo pano chipiu gholo thopimi saghi pelo, panongu pelo ti chilu no, Hi ye kuchoue, ipi pelo.

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

ISAIAH 48:17

Israel Lhou akimtheu, nongu Xachilekuluu, Ampeu no ishi piani: “Ni ye nongu Mpeu Alhou, I no nongu pelo ala shipenike shika cheni, nongu laghi kichepiye cheni.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

JEREMIYA 10:1

Ampeu no nongu vilo pi akeu tsa inilo, O Israel kibolomi.

JEREMIYA 50:34

Ikemu pano Xachilekuluu ye akumtoe; Pa je ye Aqokitikhi MPEU. Mtsüqheino Pa no pano ghenguno pitsü nani; tishikeu lono Pa no ayeghi lo akulhokiqhi süghi nani, ikemu Babylon lau ye aküpüna süghi nani.

MALAKI 1:14

Pishikiqhiu khuu no ambeloji lo atsü lakhi akeu pesü mllani kepi tushoqhive no tukutiye akeu pesü Ampeu lau agha shini keno pa ye angusüpue. Kughengu Akükau akijeu ye Ni ke, aqokitikhi Mpeu no pi, eno shiyeqo dolo I je sümsa nani.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 27:37

Panongu no pa kütsü sholo akipimi tsükeu ishi yepe qhitsü, “Hi no Jewmi Kükau Jisü.”

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ZAKINIU 6:4

“O Israel, hi inilo: Ampeu ni Lhou likhi no Alhou ke!

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 22:13

Ni ye Alpha eno Omega, atüghüu eno ashekhau, abothu eno kishekhau ke.”