ISAIAH 44:5 - Sumi Naga CL (Re-edited) Bible (BSI)

⁵ Timi hipau no pinani, ‘Ni ye Ampeuw ke,’ milakhiu no Jacob lau ighamku nani, lakhiu no pa u lo ‘Ampeuw’ ipi yepuku nani, eno pa je Israel ipi ku nani.”

BAIBEL (BSI)

⁵ “Timi lakhi khino ishi pinani, ‘Niye AMPEU laumike.’ Panonguno Israilmi gholo kime luvenike ighi nani. Milakhikhino AMPEU je pesu aumlolo amichishipu nani eno Alhou wu timi gholo lakhi kepi pa likhi pa kihisu nani.”

ISAIAH 44:5 Iomraidhean Croise

YEKIKITHI AKINIU 36:23

“Persia kükau Cyrus no ishi piani, ‘Ampeu, Kungugha Lhou no ayeghi lo kükaqha kümtsü I tsüvae, eno Pa no Judah lo Jerusalem lo Pa chineki shiqhe peni keu za I tsü ani. Tighenguno nongu khunoqo Paw timiqo keno Ampeu Alhou no pa gholo apeniu. Pa ye wolu nani.’”

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

LESHELE 116:16

O Ampeu; ni ye o qeu; ni ye O qeu, O qeliu nu huke. Nono akütsügha lono I kuqhophe tsüke.

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

JEREMIYA 32:10

I no qhüluve keu jemchi shive no tipau chishidave, thopimi qhiluve eno ahu lono pisa mighiluve.

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

2 Kor. 8:5

ike hi ye nino kümsümo mithekeu, ikemu panongu no pano ampi pesü Ampeu tsüve paghi ke, tishino Alhou pulou lono ningu lau tsüe.

Galatiami 6:16

Khunono hipa khuaye lono checheni keno, aloino keu eno kimiyekini no pano shou, eno Alhouw Israelmi shou apeni.

Galatiami 6:17

Hinguno hilauye timi khumu I pünaqhi kevilo, kughengu ni ye I phimpi lo Jisü zaku xapu anie.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.