ISAIAH 44:3 - Sumi Naga CL (Re-edited) Bible (BSI)

³ Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

BAIBEL (BSI)

³ “Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

ISAIAH 44:3 Iomraidhean Croise

JOB 5:25

Itaghi o ji lo kiyighi no kutomo shini keu nono ithi nani, eno o polo kughuko no ayeghi lo atsaneghu toi qhawo nani.

LESHELE 107:35

Pa no asayeqha pesü ayizükucho shivetsü, qhaike yeghi pesü azüpuki shivetsü.

LESHELE 63:1

O Alhou, No ye I Lhou ke; I no puloniqhiyi O phucheni; I ngulho no tüghüthi O laju ani; qhai eno aghime yeghi khile azü küha keno tile akeshi I phi-ashi no thiqhi O laju ani.

AHOLE 1:23

I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

ISAIAH 27:3

Ni, Ampeu no tipau Kheue; ado kümtsü lo I no azü süacheni. Khuana no kütsavetsü nosa kehu putho pucho I no khekuto acheni;

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 41:17

‘Kughou kumlhomi ngo kühakemi no azü phuwu, eno azü kühave kehu, panongu kughoki no tüghüthi kelauno qhaiveni keno, Ni Ampeu no panongu khochiletsü nani. Ni, Israel Lhou ye khilemu panoqo qhivemo nani.

ISAIAH 48:19

nongu lagha no asaye jehi, eno nongu kughuko no athi toi aghini cheke; panongu je ye pühave moniche momu I zülono kütsave moni cheke.”

ISAIAH 48:21

Pa no panongu sasü asayeqha katha kelo panongu ye tüghüthi moe; Pa no atuqu lono panoqo ghenguno azü ipeghipe; Pa no atuqu hepho eno tipau lono azü qoipeghi peke.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 55:1

“Khunono tüghüthi ani keno ighilo, azü hilau ani; khuu no pisa küha keno, ighilo, qhüchulo! Ighilo, ame sümono atsaizü ngo akichhizü qhülo.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

ISAIAH 61:9

Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

ISAIAH 65:23

Panongu kümla ye adou shivemo nani, momu kütsakungove nike atianuli punu keu shimo nani, kughengu panongu ye Ampeu no kümghatsü kemi kughukomi shi nani, eno panongu lagha ghi akümghami ke.

EZEKEL 34:26

I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

EZEKEL 47:8

Pa no I vilo pi, “Azü hipau ye kipela tokukujo küdau qowu ani eno Arabah lo qoiqi no Akithi Züghi lo ilove ani; kughou azü no azüghi lo qoilove keno, azü ye tsüghükhüive nani.

HOSIYA 10:12

Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

JOYIL 3:1

“Kughengu julo, tipa ghuloki eno atüqhüdo lo kughou I no Judah ngo Jerusalem küakini tsüchileni keno,

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

MICAH 5:7

Tishino Jacobw ghükulumi ye Ampeu tsüzü toi, atsüni shou tsüghuqhi ketoi, ashiaye kutomo dolo anani ti ye timi ghenguno munuve chemo momu timi nuliqo ngokhe chemoe.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

MATTHEW 12:43

“Kughou mithekumo tüghaküsa no timi launo ipeveni keno, tino azü kühake-a lo itsü ngokepu-a phuwu cheni, ikemu ti phumlave.

Apostolmi 10:45

Peter gholo ighi kemi küpülümi aphighüyiko ghave kemi no akichiqhive, kughengu Jewkumomi shou ghi Aghungu Kimthe gho lepuku tsüke.

Apostolmi 2:17

“‘Alhou no sheshu, ashekha tsala lo hitoi nani, I no timi kümtsü shou I Ghungu lepuku nani, no tianuli no tungkuptsa pi nani; now apumiqo no kungunhetsü ithulu nani, eno now muchomiqo no asamo pumo nani;

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.