ISAIAH 44:24 - Sumi Naga CL (Re-edited) Bible (BSI)

²⁴ Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

BAIBEL (BSI)

²⁴ “Niye AMPEU, nongu xakuluu; nongu lhophekeu huye nike. Niye AMPEU, thwokha kumtsu lhokipheu ke. Ilikhino kungugha sukhope qhike; Ino ayeghi lhokelo, kutami khuu nomu ikuphu puamoe.

ISAIAH 44:24 Iomraidhean Croise

JOB 26:7

Pa no ahuu küdau kiumu küha ke-a lo atsütsü sükho eno kiu shoumu ghomo no ayeghi tshüqhipe qhie.

JOB 31:15

I za polo I lhophe keu no panoqo ghi lhoke kumo? Eno atita lono ningu mlaphe keu ye Pa no kekumo keshea?

JOB 37:18

No ye Pa kimihi shi ayipa kümka pesü ahiju toi phuphushi atsütsü kupuju qhawolu nani keshea?

JOB 9:8

Pa likhino atsütsü xakhope qhi, azü fukukucho shouno alache;

LESHELE 104:2

aküvü pesü O küzüpu ani, Nono aphiki toi kungugha xakho ke.

LESHELE 136:6

Pa no azü kutho shou ayeghiqha xachhope qhie, kughengu Paw iqemokeu kikimiye ye alholo acheni;

LESHELE 71:6

I punu mphi lono ni ye O shou mungu ighivae; I za tita lono ni ikhilu keu huye No ke. I no tave mono O sheqhe ani.

LESHELE 78:35

Alhou, Shishe Akiqheu ye pano sükusho tuqu, pano xachilekuluu kepi panongu no kümsülue.

ISAIAH 40:22

Ayeghi bocho shou achekeu noke, ayeghi lo küami ye tülhaqu toie; Pa no nhaqhiphi toi atsütsü xachho eno aphiki toi tshüpe qhi cheni;

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

ISAIAH 43:7

panongu ye I je ku püani, I juküvüpu shi peniye I no pano koghe lhophe tsüke.”

ISAIAH 44:2

O lhokeu Ampeu, khuu no atita lono o lho eno o kuphu nani keno Pa no ishi piani: O I qeu Jacob, msa kevilo, I no kisheluve keu Jeshurun.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

ISAIAH 45:8

“O atsütsü, tsüghuqhilo, khüngküsü pelo achipiu-mikucho ghuqhi pelo; ayeghi pelo xakulu ngo achipiu-mikucho lhophe pelo; ayeghi pelo hi küma lhoipeghi pelo; Ni Ampeu no lhophe ke.”

ISAIAH 48:13

I u no ayeghi boqha qhae, eno I u ajeu no atsütsü sükhope qhike; kughou I no tipaqo kuni keno, tipaqo no kümtsa puthughope ngoluve cheni.

ISAIAH 48:17

Israel Lhou akimtheu, nongu Xachilekuluu, Ampeu no ishi piani: “Ni ye nongu Mpeu Alhou, I no nongu pelo ala shipenike shika cheni, nongu laghi kichepiye cheni.

ISAIAH 49:1

O azüghimkü yeghi, I tsa inilo, nongu putoumiqo, I tsa inilo. Ampeu no aza tita lono I kulue, I za po lono Pa no I je kutsüe.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

JEREMIYA 10:12

Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

JEREMIYA 50:34

Ikemu pano Xachilekuluu ye akumtoe; Pa je ye Aqokitikhi MPEU. Mtsüqheino Pa no pano ghenguno pitsü nani; tishikeu lono Pa no ayeghi lo akulhokiqhi süghi nani, ikemu Babylon lau ye aküpüna süghi nani.

JEREMIYA 51:15

“Ampeu no Pa küka lono ayeghi lhoe, Pa lokütsü lono ayeghiqha lhoqhie, eno Paw vethakulu lono kungugha xachhope qhike.

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

John 1:3

Pa vecheo thokha lho eno Pa sümo keloye kiumu lho püamoe.

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,