ISAIAH 44:19 - Sumi Naga CL (Re-edited) Bible (BSI)

¹⁹ Khunomu kümsüju chemo momu tsaqüi ishi kümsükutoju chemoe, “I no asü tüxa süghü no asho eno ashi ghuchu; Imaye ni ye tipau sü tüxa pesü ajulho shisü no mllani keshea? Ni ye ti asülu zülo pishiqho no mllani keshea?”

BAIBEL (BSI)

¹⁹ Ajulho shisukemiye ishi pinikeu alokutsu momu kumsukulu kuhake, “Asu tuxaye ino sughu cheni. Amibalu lono ino asho pugha cheni eno ino ashi ghuno chuve cheni, Tipasu tuxaye ino ajulho shisuke. Niye asulu lakhi zulo itsaiqi pishiqho auvae!”

ISAIAH 44:19 Iomraidhean Croise

KUKAMI ATUGHIU 11:5

Solomon no Sidonmi lholiu Ashtoreth eno Ammonmi no mlla chekeu aphikümqhüpu lhou Milcom mllauve.

KUKAMI ATUGHIU 11:7

Pa no Jerusalem kipelau naghuto lo Moabmiw aphikümqhüpu lhou Chemosh ngo Ammonmiw aphikümqhüpu lhou Molekh ghenguno qhemghai ke-a mlatsü.

KUKAMI AKINIU 23:13

Pa no shiküpsa toghi apeu, ti ye Jerusalem kipelau, akümlla-a khikhi Israel kükau Solomon no Sidonmiw aphikümqhüpu lholiu Ashtoreth, ngo Moabmiw aphikümqhüpu lhou Chemosh eno Ammonmiw aphikümqhüpu lhou Milcom ghenguno shiqhe keno, tipaqo shipüthave tsü.

KUKAMI AKINIU 23:14

Pa no atsükuchoqo hepholeve tsü, eno Asherim loqhipe tipaqo lo timi saghi no chhitoi qhivetsü.

IPEKULU 7:23

Pharaoh no pa kilo ideilove, eno pa ye pa mlomu süimoe.

ISAIAH 44:18

Timi tipaqo ye panongu no kiu shi ani keno mthae eno vethalu chemoe; kughengu panongu nhethi nhavetsü kehu ithumla eno panongu kükümsü nhavetsü kehu vethamla ke.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 46:8

“Hi kümsülu no akumto shilo; nongu axinemiqo, hi kümsüchile lulo,

ISAIAH 5:13

Ikehu Iw timiqo no vethakulu kühave kehu panongu ye akughu lo wucheae; pano gholo ajuaje küami no akhüava shi ani, eno aqokitikhi no atüghü no qhai ani.

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

EZEKEL 40:4

Pa no I vilo pi, “Timi nu, o nhethi tsükhope julo, o kini kughope inilo, eno I no o piyeni ye akeu kümtsü lo o mlo tsüqhiyi shilo, kughengu ni ye o piyeni ye hile o saighi ani. Nono ithulu keu kümtsü Israel kibolomi lau asheshu lo.”

HOSIYA 4:12

Iw timiqo no asü tachu launo kighinikile jucheni, eno panongu qheküsü no tungkuptsa pitsü cheni. Kughengu asalha ghawu no panongu saküghüzüve ake, eno panongu ye kütüqha aniye pano Lhou phevae.

HOSIYA 7:2

Ikemu pano lhoksa kümtsü I no kümsülu ani kepi panongu ye kiqiju moe. Itehi ye pano kümla no panongu süho luvae eno ti ye I zülo ani.

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 32:46

pa no pi, “Mtsüqheino nongu ye ishi tsala lo I no azah hipaqo nongu tsükeu amlo lo süpulo, Tishino no tianuli vilo hipaqo pesü kütülo, tishianguno panongu pelo amikucho shi Ayezah hi kümtsü papelu peni.