ISAIAH 43:7 - Sumi Naga CL (Re-edited) Bible (BSI)

⁷ panongu ye I je ku püani, I juküvüpu shi peniye I no pano koghe lhophe tsüke.”

BAIBEL (BSI)

⁷ Panonguye iwu timiqoke, ijekipipu shipeniye ino panoqo lhopheke.’

ISAIAH 43:7 Iomraidhean Croise

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 29:23

Kughengu panongu no pano tianuli I u no lhokeqo ithulupe akimtheshi I je ikhilu nani; panongu no Jacob Lhou Akimtheu eno Israel Lhou zülo agigihupu shi puthugho nani.

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 44:23

O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.

ISAIAH 48:11

I je ghengu likhino I no tishie, kughengu kishino I je shipüthave peni kea? Ni ye I juküvü pesü kütami tsümo nani.

ISAIAH 56:5

I no I kilo eno I kupuwu nguno alou, o je lono athigho qhitsü nani eno apu-anga akeqo nguno ajekipi shitsü nani; I no shekhaha je pesü panongu tsü nani ti ye khilemu kühave monani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 63:19

Ningu ye No ye khilemu ni shou ayepe püaghimo kemi toivae, eno O je vecheo ku püaghimo kemi toivae.

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

DANIEL 9:19

O Ampeu, inilo; O Ampeu, akipimi qhitsülo. O Ampeu, amlo tsüqhiyi shino mla tsülo. O je ghenguno munu kevilo, O I Lhou, kughengu Ow mishighüna eno Ow timiqo ye O je ku achenie.”

AMUS 9:12

tishianguno panoqo no Edom lo ghükulumi eno shiye khipaqo Iw ke ipiche keno tipaqo leluve nani,” ipi Ampeu khuu no hipau shi cheni keno Pa no piqhivae.

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

Apostolmi 11:26

eno kughou pa no phulu keno, pa sasü Antioch lo ighi. Ampe kupuju pama no akukuhomi sasü kuposhu no timi kütsasa shika. Antioch lono atüghüshi akhopemi pesü Khristomi ipi kulue.

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

Galatiami 6:15

Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.

Ephesiami 1:12

tishianguno ningu khunoqo paghino Khristo lau lajubelu keno, Alhou jekipipu sheqheni keu lo ghi titoi peniye ke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

James 2:7

Le panoqou no aje kivi khikhi nongu tsü keno, tipau thaigha chenike kumo keshea?

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.