ISAIAH 43:6 - Sumi Naga CL (Re-edited) Bible (BSI)

⁶ I no ahuumi vilo, Phevelo, ipi nani eno apeumi vilo, Khatha püa kevilo, ipi nani; I nuli putou akeqo saghilo, I ngaqo ayeghi shekhauno saghilo,

BAIBEL (BSI)

⁶ Ino ahuu vilo panoqo puwuvelo pi pi nani eno apeu vilo panoqo hakhape akevilo pi nani. Iwu timiqo putosuu akeu yeghi lono ideighi pelo, ayeghi ku-aqha kumtsu lono ighi pelo.

ISAIAH 43:6 Iomraidhean Croise

LESHELE 107:3

akuaqha kütüta, kipelau eno kulolau, ahuu eno apeu no hekütsü saghi kemi no pilo.

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 18:7

Tipa ghuloki lo timi hipaqo no aqokitikhi MPEU lau sükusho süqha süghi nani puyelei eno qhemghai kemi, aphivilo eno putou küami no msa chekeu, akumto eno qhaküsü shiye, aghokiqo no pano yeghi kotha ani, panongu no Zion toghi, khile aqokitikhi MPEU je acheni keno, tilehi süghi nani.

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 49:22

Ampeu Alhou no ishi piani: “Julo, I no shiyeqo shou I u pesü kiche nani, eno panongu lau amchipu süqhe nani; panongu no nongu nuli au lono khapesü ighi nani, eno nongaqo abighi lono xapusü ighi nani.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

ISAIAH 60:4

Nongu nhethi no pishipuwo julo; panongu kümtsü hekütsü no nongu lau cheni; no nuliqo ye putou no ighi nani; eno nongaqo ye xapu ighi nani.

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

JEREMIYA 23:8

ikemu ishi pi nani, ‘Ampeu xüani ke Pa no haküghütsü puwuve keu ghakhu eno ahuu ghakhu lono Israel kibolomi saipeghi.’ Tishino panongu ye pano yeghi lo xüsülu nani.”

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

JEREMIYA 31:8

Julo, I no ahuu ghakhu lono panongu saghi nani eno ayeghi shekha lono panoqo hekütsü nani, panongu gholo anhechemi ngo apukhu kinitave kemi, mishipu akemi totimi eno punu niye akemi, aqo kije küqhano hile ideighi nani.

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

EZEKEL 37:21

tileno panoqo vilo pilo, Ampeu Alhou no ishi piani: Julo, shiye khuno gholo Israelmi no wuve keno tipaqo gholono I no panongu saluve nani, eno aqha kümtsü lono panoqo hekütsü sasü pano yeghi lo ighive nani.

JOYIL 3:7

Julo, nongu no jepuwuve keu-a lono I no panoqo xukuthoni eno I no nongu lochileni.

ZEKHARIA 6:6

Khurshi tsübui keqo no sünhe chekeu khurkulu no ahuu ghakhu küdau iqhove, metsüghoi keqo no tipa shelo shi, eno hughai keqo no apeu iqive.”

ZAKINIU 30:4

Nongu hape ayeghi cheku lo puwuve aghimu tilauno Ampeu nongu Lhou no nongu sawo hekütsü nani.