ISAIAH 43:20 - Sumi Naga CL (Re-edited) Bible (BSI)

²⁰ Tüghashiqo no I gihu nani; aghalo tsü ngo ostrich no I gihu nani; kughengu Iw kishekiphe timiqo pelo yelu penike I no timi küghünamo ke-a lo, eno asayeqha lo azü tsüke.

BAIBEL (BSI)

²⁰ Tughashino agigihu itsu nani; kughou asayeqhalo ino aghoki qowupe puzu ino kishe luvekemi timiqo lau ino azu tsuni keno, sher ngo ostrik no isheqhe nani.

ISAIAH 43:20 Iomraidhean Croise

LESHELE 104:21

Abongshuu lhotheqo no tsüqhi chunike igha, Alhou launo pano chuqupu phucheni.

LESHELE 148:10

Tüghashi eno tikishi kümtsü, itikiche eno yekiche ghauqo!

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

ISAIAH 13:22

Atine ngo tüngtügha no aqoghe eno akighiki lono igha nani; Babylon tüqhüdo ye kupunuvae li tsala ye süpushumo nani.

ISAIAH 30:25

Ghikiqhi tsala kijelo kughou no aghümi liwo qogheqo ikiqiveni keno, naghuto kuchuqu eno atoghi kiqhe kümtsü lo aghoki no qowu nani.

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 33:21

Aghüshi zükilu eno ashuka kije no wumla keu ghoki toi Ampeu no Pa kumto lono ni sasü tile anani.

ISAIAH 35:7

asaye külü lono azükikhe ipeghive nani, qhaike-a lono azüpuki auve nani; tüngtügha no acheke-a lono asalebo ngo amtübo ipeghive nani.

ISAIAH 41:17

‘Kughou kumlhomi ngo kühakemi no azü phuwu, eno azü kühave kehu, panongu kughoki no tüghüthi kelauno qhaiveni keno, Ni Ampeu no panongu khochiletsü nani. Ni, Israel Lhou ye khilemu panoqo qhivemo nani.

ISAIAH 41:18

I no naghuto qhemghaike-a lono aghoki qopipe nani, eno akhila lo azüpuki ipeghipe nani. I no asayeqha pesü ayizükucho shivetsü nani, eno qhaike yeghi pesü azüpuki kughulhotsü nani.

ISAIAH 43:19

Julo, I no avehu kithe shi ani; ti ye ipeghi ayae, nongu ye ti pimhelu ani kema? I no timi küghünamo ke-a lo alaghi mla nani eno asayeli lo aghoki mla nani.

ISAIAH 48:21

Pa no panongu sasü asayeqha katha kelo panongu ye tüghüthi moe; Pa no atuqu lono panoqo ghenguno azü ipeghipe; Pa no atuqu hepho eno tipau lono azü qoipeghi peke.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

Mark 13:20

Ampeu no atsalaqo kughukho tsümo keaye, milakhimu xakulupu shimoni cheke. Ikemu pa no khunoqo kishephelu keno tipaqo ghenguno atsala kughukhove tsüe.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.