ISAIAH 42:6 - Sumi Naga CL (Re-edited) Bible (BSI)

⁶ “Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

BAIBEL (BSI)

⁶ “Ni AMPEU no okuluvae eno akuka otsuvae, ayeghilo kuchou xakutha shikeu jupenike. Ovechewo ino timi jeli kumtsu sasu puloshoqhi lakhi shinike; ovechewo ino ashiayehqo lau akuvu sughi tsu nanike.

ISAIAH 42:6 Iomraidhean Croise

ISAIAH 26:3

O shou pükhübelu kehu amlo itha mono O gholo ache kemi ye Nono kupukülai keu lokiqi tsücheni.

ISAIAH 27:3

Ni, Ampeu no tipau Kheue; ado kümtsü lo I no azü süacheni. Khuana no kütsavetsü nosa kehu putho pucho I no khekuto acheni;

ISAIAH 32:1

Julo, akükau no achipiu mikucho lono ayepe nani, eno yepemi no kuchou xakütha lono ayepe nani.

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

ISAIAH 41:2

‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

Apostolmi 13:47

Kughengu Ampeu no hitoi azah ningu tsüvae, “‘I no o pesü Jewkumomi küvü shive tsüae, tishianguno nono ayeghi shekha kutolo xakulupu saghi nani.’”

Apostolmi 26:23

ti ye Messiah ye ime masae, eno akithi lono xüputhuve kemi gholo amsüu shino pa no ni timi ngo Jewkumomi lau aküvü ghili sheshu nani.”

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 7:2

eno Abraham no aghü lepughi keu lono chighi saje pa tsü. Pekibide kiqi lono pa je ye atüghüshi amikucho kükau, tipa shelo pa ye Salem kükau ghi, ti ye aloino keu kükau.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

IBRIMI 8:6

Ikemu Khristo no lacheu shino puloshoqhi shikeu no akiviu keke pa kümlau no aqau kümlapu nguno shishe akighicheu shive, kughengu ti ye thime kivi piqhi keu shouno shike.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.