ISAIAH 42:16 - Sumi Naga CL (Re-edited) Bible (BSI)

¹⁶ eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

BAIBEL (BSI)

¹⁶ ‘Ino iwu timi anhethi kighichemiqo sasu panonguno khilemu pulachemo keu laghi lono sawu nani. Ino panoqo wu akuzu pesu akuvu kughulhove tsuni eno panoqo zulo kolokoshi keu yeghi pesu kulaqave tsuni. Ino hipaqo vehu shini cheni, eno niye tipaqo shini putsake.

ISAIAH 42:16 Iomraidhean Croise

LESHELE 94:14

Kughengu Ampeu ye Paw timi phevemo nani Pa ye Pa mheghi qhivemo nani;

YETSAPIU 1:15

Chighichilai keu thime ye shikümzü mlae; eno kühakeu thime ye kihikülailu chemoe.

YETSAPIU 7:13

Alhou no mlakeu kümsü julo: Pa no ihoghülai mla püakeu khuu no shikümzü luni kea?

ISAIAH 26:7

Amikuchomi laghi ye müdüniyi; Nono pano laghi külaqa tsüke.

ISAIAH 29:18

Tipa ghuloki lo akinikughupomi no kaku lo akeu tsa chilu eno anhethi iche kemi no aküzü züchiyi keu lono pano nhethi xükhope ithulu nani.

ISAIAH 29:24

Izüichoi kemi no vethalu nani, eno muchho munu chekemi no akükütsütsa ikhiluve nani.”

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 30:21

Kughou nongu no ajeu momu piyiu tsüghüveni keno, nongu thiu no, “Ala ye hike, hipa la pülalo” ipikeu sütsa nongu kini lono chilu nani.

ISAIAH 32:3

Tileno ti ithulu eno chilu kemi no ithikuthulu no amlotsü qhiyi nani.

ISAIAH 35:5

Tileno anhethi kighichemi nhethi xükhove tsü nani, eno akini kughupomi kini khaqhive tsü nani;

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 40:4

Akhila kümtsü shepichhi no ato naghuto kümtsü kuchunive nani; kukokilei ke-a kümtsü jokümtsape müdüniyi külaqave nani.

ISAIAH 41:17

‘Kughou kumlhomi ngo kühakemi no azü phuwu, eno azü kühave kehu, panongu kughoki no tüghüthi kelauno qhaiveni keno, Ni Ampeu no panongu khochiletsü nani. Ni, Israel Lhou ye khilemu panoqo qhivemo nani.

ISAIAH 41:3

Pa no panoqo hawu eno kiumu küpüna mono heche wuve, eno pa pukhu ye ayeghi nemoke.

ISAIAH 45:2

“I no o züuno wuno qhemghai ke-aqo külaqave tsü nani, I no alazayi hukikha kubovetsü eno ayi khadu hephovetsü nani,

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

ISAIAH 48:17

Israel Lhou akimtheu, nongu Xachilekuluu, Ampeu no ishi piani: “Ni ye nongu Mpeu Alhou, I no nongu pelo ala shipenike shika cheni, nongu laghi kichepiye cheni.

ISAIAH 52:12

Kughengu nongu ye mighimghai ipemo nani, eno nongu ye posü womo nani, kughengu Ampeu no nongu züu shino wunani, eno Israel Lhou no nongu thiuno khesasü wunani.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 58:10

tsala nongu no müzüthi kemi achuqupu tsü aye eno ichheime akemi mlo vepiqitsü aye, nongu küvü ye aküzü shou yepüvüve nani, eno nongu küzü ye puchomghü toive nani.

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

EZEKEL 14:23

Kughou nongu no pano küxü eno akümla ithuluni keno, panongu no nongu lopiqi tsü nani, eno tipau lono I no kiu shi keno ti kümtsü Ni ye akiqi küha keu lono kumo kepi nongu no ithi nani, Ampeu Alhou no sheshue.”

HOSIYA 2:14

“Ikehu, julo, I no li züizani, eno yenguyike-a lo saighi no ivüilai li pütsa kümtshani.

HOSIYA 2:6

Tighenguno I no asahu pesü li laghi putukhave tsüni eno aliwo shipe li lakhave no li ye alaghi ithumlave peni.

AMUS 5:8

Püghüno süpemi eno Ayenokilimi lhosü keu, tsüküzü pesü tsüküvü shivetsü, eno puchou pesü putho shivetsü, azüghi zü ku püzü ayeghi shou leqhitsü chekeu, Pa je ye Ampeu ke;

Luke 3:5

Akhila kümtsü shepichhive nani, naghuto ngo atoghi kümtsü kuchunive nani, ihoghülai keu la no müzüchoive nani, kukokilei keu la no müdüniyi kughulhove tsü nani,

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

JOSHUA 3:4

Tishikeu lono nongu no khipa la wukepu keno ithi nani, kughengu nongu ye püzüu hipa la ighi mphike. Ikemu Puloshoqhi Bohu kupunu wumono nongu dolo kilometer lakhi toike qhino wulo.”

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.