ISAIAH 42:11 - Sumi Naga CL (Re-edited) Bible (BSI)

¹¹ Asayeqha eno tile mishiphughiqo pelo asütsa süqhe pelo, Kedar no xüsüpe akeu phuqo, Sela lo küghüna akemi pelo alokivi le phe pelo, panongu pelo naghuto kütsüqa lono ighamku pelo.

BAIBEL (BSI)

¹¹ Asayeqha ngo tile aphughi akeqono asutsa suqhepe Alhou shelo! Kedar lo akemiqono pa sheqhelo! Sela lo kughuna kuamino alokivi aluno naghuto kutsuqa lono ighamukulo!

ISAIAH 42:11 Iomraidhean Croise

BOTHUBO 25:23

Ampeu no li vilo pi, “Shiye kini o polo ani, eno ashiaye kini o lolo akeu ye kijethave nani; lakhi no lakhiu nguno akumtou shive nani, akichiu no ayitiu qe nani.”

LESHELE 120:5

I no Meshech lo itsü kupokiche shiche keu eno Kedar phiki lo küghüna chekeu no I ghenguno ahasapue!

ISAIAH 12:5

“Ampeu no akümzapu mlatsü ke Pa lau shekiqhe le phelo; ayeghiqha kümtsü no hi ithi pelo.

ISAIAH 16:1

Sela lono asayeqha kathasü Zion limi toghi lo yepeu lau sükusho süqha shi ghi ambe tsüpuwu lo.

ISAIAH 21:16

Kughengu Ampeu no I vilo pike, “Aqekiqemi no ado kihi chekeu kiqi lono ampe lakhi dolo Kedar jekipi ye kishekhave nani.

ISAIAH 32:16

Tishino kuchou xakütha no asayeqha lo auve nani, eno achipiu mikucho no aghüma luza lo auve nani.

ISAIAH 35:1

Yenguyi eno qhaike yeghi no alovi nani eno axamunu toi pule nani;

ISAIAH 35:6

apukhu kinitave kemi no ashe toi kakashi ilhe eno atsa pikümlami no alovi ale phe nani. Kughengu qhaike yeghi, asayeqha lono azü puipeghi no qowulu ke;

ISAIAH 40:3

Asütsa lakhi no piani: “Ampeu sala yenguyike-a lo alaghila kutolo; ni Lhou ghenguno asayeqha lo ala müzüchoi shitsülo.

ISAIAH 43:19

Julo, I no avehu kithe shi ani; ti ye ipeghi ayae, nongu ye ti pimhelu ani kema? I no timi küghünamo ke-a lo alaghi mla nani eno asayeli lo aghoki mla nani.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

JEREMIYA 48:28

“O Moabmiqo, aphughiqo qhive no atuqu dolo xüuve lo! Miqhedu no anhepho lo apüsü shiche ketoi no ghi tishilo.

JEREMIYA 49:16

No atuxu lo küxüu, atoghi kütsüqa pükhape achekeu, nono kichi kümsa eno qheza chekeu huno o pishiqhivae. Nono alhuqu toi qhemghai keu lo o püsü mla püaghi namu, I no tilano o sünheqhive nani, ipi Ampeu no sheshu.

JEREMIYA 49:31

“Ithulo, sükusho qholo ililai akeu shiye lenike wulo, ipi Ampeu no sheshu, ti ye khagho momu akhadu kühano lomoshi küghüna ani.

EZEKEL 27:21

Arabia ngo Kedar lo kükapumiqo no o mbeti, ambetsü, eno ane küqhükili shikeu lo o pulou shilu chekemi ke; thime hipaqo lono panongu no o sasü lhidi shiche.

Obadiah 1:3

O mlo lo aqheküza no o pishiqhivae, no khuu atuki qhemghai keu lo xü acheni keno, nono o mlo lono ishi pi cheni, “khuu no ayeghi lo I saiqighi kulupu kea?”

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.