ISAIAH 41:4 - Sumi Naga CL (Re-edited) Bible (BSI)

⁴ Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

BAIBEL (BSI)

⁴ Khuuno hikithipushi shilu ani pe kya? khuuno xuighikeu kishi wokepu keno kumsupusu akya? Ni, AMPEU ye abothu lono tilehi ake, eno ni, AMPEU ye ashekhalo tilehi anani.

ISAIAH 41:4 Iomraidhean Croise

LESHELE 102:27

Ikemu No ye atho eno O mpe ye kishekha kühae.

LESHELE 102:28

O qemi tianuli ye sükusho kivi shi xülu nani; pano tikughuko ye O zülo süshokulu anani.

ISAIAH 40:12

Khuu no au bokhu lono azüghi mighiju eno au küghüka lono atsütsü mighi juve akea? Khuu no ayeghimkhu pesü ashoghi lo süju momu ahu lono naghuto eno atoghiqo mighi juve akea?

ISAIAH 40:26

Atsütsü lo jupukulo: khuu no hipaqo pulhosü kea? Khuu no aqokitikhi tijeje kihilu eno lakhikhi je ithi ani, khuu no pa kumto kije lono tipaqo lakhimu pühave chemo keno, Pa huno ke.

ISAIAH 41:20

tishikeu lono timiqo no ithulu no ithi peni, tsaqüi kümsükutoju no vethalu peni, tishikeu lono Ampeu u no hi shikepi ithi peni, eno Israel Lhou akimtheu no hipau lhophe kepi ithi penie.

ISAIAH 41:26

Khuu no abothu lono hi sheshu, momu azüuno pi kea? Tishianguno ningu pelo, “Pa ye achipie” ipi peniye ke. Khunomu sheshumo, pikülhamo, nongu no pikeu chilu püamoe.

ISAIAH 41:3

Pa no panoqo hawu eno kiumu küpüna mono heche wuve, eno pa pukhu ye ayeghi nemoke.

ISAIAH 42:24

Khuu no küpükami u lo Jacob süve kea? eno Israel pesü xülepuwu kemi u lo süve kea? Ti ye Ampeu khuu shou nino axine shive keno, Pa no ke kumo? Pa laghi lo panongu no wumove, eno ningu no Pa yezahqo gholumove ke.

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 43:13

Hinguno hilau ye, I no Pa ke; khunomu I u lono xaphemlae; I no mlave keu khuu no tuchile kulupu kea?”

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 22:13

Ni ye Alpha eno Omega, atüghüu eno ashekhau, abothu eno kishekhau ke.”