ISAIAH 41:16 - Sumi Naga CL (Re-edited) Bible (BSI)

¹⁶ nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

BAIBEL (BSI)

¹⁶ Nono amlhulo elepukuve nani; amlhuno tipaqo xapuwuve nani, eno pasapaghano tipaqo kutho leve nani. Tileno nono alovi nani kughengu niye oLhou ke; nono ni Israil Lhou akimtheu sheqhe nani.

ISAIAH 41:16 Iomraidhean Croise

LESHELE 1:4

Ikemu kixikilami ye tishimoe, pano ye amülhü no amuu fupe wuve ketoi ke.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 28:5

Tipa tsala lo aqokitikhi MPEU no Paw timi ghükulumi ghenguno agigihupu eno jukivi kütsükuqho shinani,

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

ISAIAH 29:5

Ikemu no ghümi aqokitikhi timi kichiqhi chekeqo ye amkhu eno amuu fupe cheke toive nani. Eno paikhavi, züleno,

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 40:24

Panongu no shosü aphi lono, abo lho aphi lono, akuhu qüilo aphi lono kughou Pa no amülhü puwuni keno, tipaqo ye ighüive no ateni toi sawuve cheni.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 60:19

Khetsünhe ye puchou nongu küvü shimoae, momu putho lo aqhi ye nongu küvü shimoae, kughengu Ampeu no shekhaha nongu küvü shiniae, eno nongu Lhou no nongu juküvü shinani.

ISAIAH 65:18

Ikemu I no lhophetsü keu shou alholo alovi eno alokiqi shilo; kughengu julo, I no Jerusalem lhophe keu ye alokivi shipeniye ke, eno liw timiqo pelo alovi peniye ke.

JEREMIYA 15:7

I no aphughi khagho lono asüküba pesü panongu vepuku no fule nani; I no Iw timi kütsavae, pano mlo ghujuve tsüae, panongu ye pano laghi lono tsüghü moe.

JEREMIYA 51:2

I no Babylon lo amuu fuleche kemi puwu no fuleve nani, küsakusho tsala lo panongu no ako kümtsü lono ighi no li küghüküghaleive tsü nani.

JEREMIYA 51:20

“No ye I yihesü eno I ghünanu, o pesü I no shiyeqo hepho cheni; kükaqhaqo kütsakungo cheni;

JEREMIYA 51:33

Kughengu aqokitikhi MPEU, Israel Lhou no ishi piani: Babylon limi qodaqhi kelo li ye aniqa toive; ikemu ado kitila aghi no li shou ghile hukepu do ighive nani.”

DANIEL 2:35

Tithiu ayi, aghani, alazayi, ghükayi eno ameshoyi kümtsü aleqhi shi kümtsa kubove, eno mütsü tusho lo aniqa lo amuu toive no amülhü no tipaqo fusawuve, tishi kehu tipaqo ye kitilamu apashe mlave. Ikemu atu khipau no ajulho vephove keno ti ye naghuto kije lakhi shive eno ayeghiqha kümtsü nhachhive.

HOSIYA 11:9

Ni ye I ji kumqho pephe moae; Ni ye Ephraim kütsa kithemae; kughengu Ni ye timi kumono Alhou, nongu gholo Akimtheu, Ni ye aloghu lono ighimo nani.

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

HABAKUK 3:18

ni ye Ampeu jupe alovi nani; I xakulu Lhou lau I no alovini.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,