ISAIAH 41:15 - Sumi Naga CL (Re-edited) Bible (BSI)

¹⁵ Julo, I no o pesü ashu kithe, mtsüsüi eno tsüghaminhei keu athi kütsüghütu shi nani, nono naghutoqo tsüghü eno kubopinyi nani, eno atoghiqo amuu toi shivetsü nani;

BAIBEL (BSI)

¹⁵ Ino opesu ashu mutsusuyi eno tsughaminhei keu athiqoche keu lipa shini. Nono naghutoqo qoqhi puzu tipaqo kutsave nani; atoghiqo amukhu kughulhove nani.

ISAIAH 41:15 Iomraidhean Croise

JOB 41:30

Pa puqho ye alitsa kughupo toi tsüghaminhei, akhuwo no aniba xule keshi pa no itiwuke lalo aye hetha cheni.

LESHELE 18:42

I no amülhü zülo ayeghimkhu toi panoqo kutholeve; alaghila lo aniba toi I no panoqo küzaleve.

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

ISAIAH 21:10

O Iw timi athi toi qolepe fuleve keqo, aqokitikhi MPEU, Israel Lhou launo I no chilukeu pesü nongu lau pikülhatsü ani.

ISAIAH 28:27

Napa ngo pülakhü lothi ye athi qole chekeu süpa no hechemoe, ikemu pa lothi qhemi lono asüta no hecheni.

ISAIAH 29:5

Ikemu no ghümi aqokitikhi timi kichiqhi chekeqo ye amkhu eno amuu fupe cheke toive nani. Eno paikhavi, züleno,

ISAIAH 42:15

I no atoghi ngo naghutoqo kütsaküngo nani; eno tile atsüni ngo asüboqo ighüivepe nani; I no aghokiqo pesü züdoyeghi shivetsü nani; eno ayizükuchoqo pelo qhaivepe nani;

ISAIAH 64:1

O pelo atsütsü kiyeve no iqighi penishi, tishikeu lono naghutoqo no khokhoshi penie—

JEREMIYA 51:20

“No ye I yihesü eno I ghünanu, o pesü I no shiyeqo hepho cheni; kükaqhaqo kütsakungo cheni;

JEREMIYA 51:33

Kughengu aqokitikhi MPEU, Israel Lhou no ishi piani: Babylon limi qodaqhi kelo li ye aniqa toive; ikemu ado kitila aghi no li shou ghile hukepu do ighive nani.”

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

EZEKEL 33:28

I no ayeghi pesü küghüküghalei amekühave tsü nani, li kumto qheküza kishekhave tsü nani, eno Israel lo naghutoqo agha itsüvepe nani tishikeu lono khumu katha move nani.

DANIEL 2:35

Tithiu ayi, aghani, alazayi, ghükayi eno ameshoyi kümtsü aleqhi shi kümtsa kubove, eno mütsü tusho lo aniqa lo amuu toive no amülhü no tipaqo fusawuve, tishi kehu tipaqo ye kitilamu apashe mlave. Ikemu atu khipau no ajulho vephove keno ti ye naghuto kije lakhi shive eno ayeghiqha kümtsü nhachhive.

MICAH 4:13

Ithu no qoda lo, O Zion limi, kughengu I no ayi pesü o kibo mla tsüni eno alazayi no o pukhu mütsü mla tsüni; nongu no mukhumuno shi ashiaye kutomo heqhi nani eno pano no ala shilukeu pesü Ampeu tsü nani, pano küakini pesü ayeghiqha Mpeu tsü nani.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

HABAKUK 3:12

Nono axukighide lono ayeghi katha eno amlokighide lono shiyeqo qodaqhi.

ZEKHARIA 4:7

O naghuto kuloghi, no ye kiu kea? Zerubbabel zülo no ye külaqave nani. Pa no ashekhau tuqu pewo gho akelo timiqo no iqhaighu ‘Kimiyekini, Alhouw kimiyekini!’ ipi nani.”

JOSHUA 17:18

hu ato yeghi ye nonguw shiniae. Ti ye aghasü shi aghi namu ghepheve no ashekha lono ashekha kutolo pe nonguw shilo. Kughengu Canaanmi no ayi khurkulu aghi namu eno akumtomi shi aghi namu, nongu no panongu hapheve nani.”

XAKUTHAMI 6:16

Ampeu no pa khochile, “Ikemu I no o gholo anani, eno timi lakhi heqhi akeshi nono Midianmi kümtsü heqhive nani.”