ISAIAH 40:11 - Sumi Naga CL (Re-edited) Bible (BSI)

¹¹ Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

BAIBEL (BSI)

¹¹ Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

ISAIAH 40:11 Iomraidhean Croise

BOTHUBO 33:13

Ikemu Jacob no pa vilo pi, “I mpeu no ithi anike atianuli miqemlei aphi, eno atsü-aqu khomono akeqo ghi jukuto masa ani. Tsala tipaqo sasü mkamihi atsala lakhi wuve aye atsü-aqu kümtsü thikhave nanie.

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

LESHELE 27:10

Kughengu I pu ngo I za ye I qhivae, ikemu Ampeu no I saluve nani.

LESHELE 28:9

O, Ow timiqo xalu tsülo eno O mheghi kümgha tsülo! Panoqo kheu shino alhokupuju hiju tsülo.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

ISAIAH 42:3

Pa ye ayeghü iho akeu hechhevemo nani, momu inhemimi akeu mi pinhevemo nani. Pa no kümtsü lau achipiu xakütha süghi nani.

ISAIAH 63:11

Ikemu Pa no wovekeu tsalaqo kümsüchilelue, ti ye Moses eno pa gholo kichemiqo. Khuu no ambe khemi gholono lhoxü lojiqo sasü azüghi mta lono ipeghi keno, Pa khilehi ani kea? Panoqo mta dolo Pa Ghungu Kimthe sütsü keu ye khile ani kea?

JEREMIYA 31:10

“Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

JEREMIYA 31:8

Julo, I no ahuu ghakhu lono panongu saghi nani eno ayeghi shekha lono panoqo hekütsü nani, panongu gholo anhechemi ngo apukhu kinitave kemi, mishipu akemi totimi eno punu niye akemi, aqo kije küqhano hile ideighi nani.

EZEKEL 34:15

Ni ampi no I mbeqo kheu shinani, I no panoqo pelo ihozüpe nani, ipi Ampeu Alhou no asheshu.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

EZEKEL 34:2

“Timi nu, Israel lo ambekhemi shou tungkuptsa pilo: panoqo vilo tungkuptsa pilo, ambekhemi vilo pilo, Ampeu Alhou no ishi piani: Ya, Israel lo ambekhemi ye nongu ampi loji auvae! Ambekhemi ye ambe loji kepu ke kumo keshea?

EZEKEL 34:23

I no panoqo shou ambekheu lakhi, I qeu David, qhinani eno panoqo mbekheu shive nani.

EZEKEL 34:31

Nongu ye I mbeqo ke, I tsüni kümtsha-a lo ambe timiqo ke, eno I no nongu Lhoue, ipi Ampeu Alhou no sheshu.”

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

ZEKHARIA 11:7

Tighenguno ambe küqhümi no ambeloji ghiqhini ye akeqo lau I no akheu shiluve. Eno I no aküsü kini ikhiluve, lakhi je no Qhuivülai keu kuvetsü eno lakhiu je no Küqhakulu kuvetsü. Eno I no ambe jukuto luve.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”