ISAIAH 39:3 - Sumi Naga CL (Re-edited) Bible (BSI)

³ Tileno tungkupu Isaiah no pa lau ighi no pi, “Timi hipaqo ye khilano ighi eno kiu sütsa peighi kea?” Hezekiah no khochile, “Panongu ye aghache ghakhu Babylon lono I lau ighie.”

BAIBEL (BSI)

³ Tileno tungkupu Isaya no akukau Hezekiya lau wupuzu iniju, “Timi hipaqoye khilauno ighikemi eno panonguye ovilo kiu pikya?” Hezekiya no khochile, “Panonguye ala kushuwalo akeu Babilon ghakhu kudauno ighike.”

ISAIAH 39:3 Iomraidhean Croise

SAMUEL AKINIU 12:1

Ampeu no David lau Nathan puwu. Pa no ighi no David vilo pi, “Aphughi lakhi lo timi kini ache, lakhi no kinimi eno lakhiu ye kumlhomi.

YEKIKITHI AKINIU 16:7

Tipa ghuloki lo tungkupu Hanani no Judah kükau Asa lau wuno pi, “Nono Ampeu o Lhou pükhüni ke züqhulo Syria kükau shou pükhübe kehu, Syria kükau ghüshimi ye o launo poka luvae.

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

YEKIKITHI AKINIU 25:15

Tighenguno Ampeu no Amaziah shou axuideve eno tungkupu lakhi puwu. Tungkupu no pa vilo pi, “Inami lhouqo ye pano timiqo o u lono xaphemla keghi no ye kushiye alhou tipaqo mllauve akea?”

ISAIAH 38:1

Tipa ghuloki lo Hezekiah ye süuve no akithi kumlho shive. Amoz nu Isaiah tungkupu no pa lau ighi no pi, “Ampeu no ishi piani, no ye thive niae eno athoputho lumo akehu kutokughoi luvelo.”

ISAIAH 38:5

“Hezekiah lau wuno pilo, Ampeu, o sü David Lhou no ishi piani: I no o kighini chiluvae; I no o nhezü ithuluvae. Julo, I no o küxü lo ampe chighipungu süküpha tsüni.

ISAIAH 39:4

Isaiah no pi, “Panongu ye o kilo kiu ithuluve akea?” Akükau no khochile, “I kilo ake thaqhü ithuluvae eno I no panongu piyemo keu kiumu kühavae.”

JEREMIYA 4:16

Pa ye cheni pi Shiyeqo kütülo; Jerusalem lau asheshu lo, “Putou yeghi lono leni kemi cheni; panongu no Judah phughiqo shou aghüleku ani.

JEREMIYA 5:15

Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

ZAKINIU 28:49

Alhuqu no yeiqighi keshi, ayeghi shekhau no Ampeu no shiye lakhi nongu shou saghi nani, nongu ye pano shiye tsa vethamla nani.

JOSHUA 9:6

Tishino panongu no Gilgal lo Joshua lau wuno Joshua ngo Israelmi vilo pi, “Ningu ye aghakhu kushuo lono chenike nongu pelo ni sasü visho shi penishi ani.”

JOSHUA 9:9

Panongu no pa vilo pi, “Ningu ye aghakhu kushuo lono cheni, kughengu ningu ye no Lhou Ampeu ghili chiluvae. Pa no Egypt lo kiu shikeno ti kuchopu chiluvae,