ISAIAH 36:6 - Sumi Naga CL (Re-edited) Bible (BSI)

⁶ Julo, nono Egypt shou pükhü ani kemu ti ye ayeghü küsü icheve keue, tino pa mungu ighikeu u lo amihi phisüve tsü cheni. Egypt kükau Pharaoh ye pa shou pükhü kemi kümtsü lau hitoi shicheni.

BAIBEL (BSI)

⁶ Ijip no nongu kuphu nani kepi laju ani, ikemu tiye alachekelo ayeghu kusu peithakeu kimihike, tiye icheve cheni eno tipau pechekeu u-qhuve cheni. Timi khunono Ijip kukau pukhubeni keno paye titoike.”

ISAIAH 36:6 Iomraidhean Croise

KUKAMI AKINIU 17:4

Ikemu Assyria kükau no Hoshea no thechu akeu küghaluve, kughengu Hoshea no Egypt kükau So lau atsapemi puwu, eno ampe atsütsü Assyria kükau lau sükusho süqha tsüche keu tsümove ke. Tighenguno Assyria kükau no pa tshüpe akughu shive.

KUKAMI AKINIU 18:21

Nono itehi Egypt, aküsü icheve keu, shou pükhü ani, ikemu khuu no pa mungu keno, tino pa u lo qhusüve tsü nani. Egypt kükau Pharaoh ye timi khuu no pa shou pükhü keno, tipau lau hitoi shi nani.

LESHELE 146:3

Sakiphemi shou o küpkhü qhi kevilo, timi shou pükhübe kevilo, pa ye xakulupu kühae.

AHOLE 25:19

Aveküsa lo pükhükümlami mungube akeu ye ahu tsümave keu momu akhonhe khokhoshi keu mihike.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

ISAIAH 31:3

Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

EZEKEL 17:17

Kughou aküxü kutomo kütsave tsüniye ayeghi pesü amoqhe puku eno atupikiye leluveni keno, Pharaoh eno paw akumto ghüshimi ngo aloji kije ye aghüshi lo pa kuphumo nani.

EZEKEL 29:16

Panoqo lau akukuphu ghenguno tsüghü wukeu xine kümsüchile luno Israel laghami ye pükhükulu shi Egypt lau wumove nani. Tileno panongu no Ni ye Ampeu Alhou kepi ithi nani.”