ISAIAH 34:6 - Sumi Naga CL (Re-edited) Bible (BSI)

⁶ Ampeu zütakikihi ye ambe ngo ane ji eno anetsü michilothi lo atha akeu no küzülu khavae. Ti ye Pa no Bozrah lo aghashi keu, Edom lo zaghishi kütsake lonoe.

BAIBEL (BSI)

⁶ Pa zuta kihiye aji ngo athano kuzuluve nani, tiye aghashi keulo bheriti ngo ane ji eno atha akeu toike. AMPEU no aghashi keu hipauye Bozra phughi lono shi nani. Pano Edom yeghilo ghikiqhi kije lakhi shi nani.

ISAIAH 34:6 Iomraidhean Croise

SAMUEL AKINIU 1:22

“Jonathanw shexilika eno Saul zütakikihi ye aghümi kumtomi launo kümsa ideighi mono ache.

YEKIKITHI ATUGHIU 1:44

Bela no thive kethiu pa nu Jobab no pa thisü luve.

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

ISAIAH 29:2

Ikemu I no Ariel khasüve nani, tile amloghuju eno akumlo anani, tipau ye aghakishi-a toive nani.

ISAIAH 34:5

Atsütsü lono I zütakikihi kutope I no kütsani ye akemi Edommi shou küghathani ke iqi cheni.

ISAIAH 63:1

Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

ISAIAH 63:3

“I likhi I no atsaithi tsüghüve ake, eno timiqo khunomu I gholo ighimoe; I no I loghu kighide lono panongu qodaqhi eno I xukighide lono panoqo nedaqhi; panoqo gi lo aji no I phimini lo hedaveke.

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

JEREMIYA 12:12

Asayeqha lo asa itsümo keu toghi shou kütsaveni kemi ighivae, kughengu Ampeu zütakikihi no ayeghi halau no halau kutolo leno khumu iqüghai mla nani.

JEREMIYA 25:34

“Mlo lo, nongu ambekhemi, ighamku lo, ayevu lo ihilo, nongu aloji mpemiqo, kughengu nongu ghiqhive eno kutholeni keu tsala ighivae, nongu ye ayeghi li kivi vepho ketoi iluqive nani.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

JEREMIYA 49:7

Edom ghenguno. Aqokitikhi MPEU no ishi piani: “Teman lo alokütsü kühave akeo? Alokütsümi launo mijekütsü kühave akeshea? Pano lokütsü hauve akeshea?

JEREMIYA 50:27

Li mishitsü kümtsü pithivelo; ghikiqhi kilo tipaqo saiqilo. Babylonmi hasapue, kughengu pano ghime ghuloki ighivae.

JEREMIYA 51:40

Ambeti, anetsü eno ambetsü sasü ghikiqhi kilo wuke toi I no panongu pithive nani.

EZEKEL 21:10

ghiqhi nike ghenguno tsüghaminhei chighivae, tsütsüküsü kulopha aketoi ilomphuivae! (Ikeo ningu ye alovini kea? I nu, nono asü ngo ayi kümtsü qhoi milive ke.)

EZEKEL 35:15

Nono Israel kibolomi mheghi shou alovi ke, kughengu ti ye küghüküghaleive ke, ikehu I no o peitha nani; Seir Toghi eno Edom kümtsü küghüküghaleive nani. Tileno panongu no Ni ye Ampeu kepi ithi nani.

EZEKEL 35:8

Ghiqhive kemi pesü I no naghutoqo shepichhi nani. O toghi, akhila, eno aghokiti kümtsü lo ghüyi lono wove kemi no chhitoi nani.

AMUS 1:11

Ampeu no ishi piani: “Edom xine küthü ghenguno, eno bidi ghenguno, Ni ye aghime süchilemo nani; kughengu pa no azütakikihi pesü pa thiküzüu haqhi eno küpükini piyemoe, ashekha küha amloide eno pa loghu pülhapuju xapu ke.

ZEFANIA 1:7

Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

ZAKINIU 32:14

Atsüaqu kichhizüchi ngo akichhizü tsü, ambeti, Bashan netsü eno ambeti tha tsüe, ashothi akiviu eno atsaithi kivi no mlakeu tsaizü shoke.

ZAKINIU 32:41

I no I zütakikihi mlapui chighive eno küghatha nike kutove aye, I ghümi shou amkhülu nani eno I mithi chekemi lochile nani.