ISAIAH 33:15 - Sumi Naga CL (Re-edited) Bible (BSI)

¹⁵ Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

BAIBEL (BSI)

¹⁵ Nonguno achipiu picheni eno shicheni aye nonguye xukulupu shinani. Nongu kuka peitha puzu kumlhomi pishiqhino kulugho lukevilo. Timi ghiqhinike kumqu kemiqo gholo ilokevilo momu kutau alhoksa kumla shikevilo.

ISAIAH 33:15 Iomraidhean Croise

JOB 31:7

tsala I pukhu no ala vepimive, I mlo no I nhethi pape püaghi, eno I u lo axine dapusü aghi aye,

LESHELE 106:3

Khuu no kuchou xakütha ikhilu, eno atüqhüdo kümtsü lo achipiu mikucho shicheni keno pano lokivipue!

LESHELE 119:37

Ameküküha thimeqo juni keu lono I nhethi tsüghüve tsülo; eno O tsa kiqi lono I küxü pükhape qhitsülo.

LESHELE 15:5

khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.

AHOLE 1:10

I nu, axinemi no o müsü kelo khilemu aqo lo ilove kevilo.

AHOLE 1:15

I nu, panongu no chechekeu laghi lo wu kevilo; pano laghi lono O pukhu sünhe chile luvelo,

AHOLE 10:9

Akikhishi xükemi ye sükusho acheni, ikemu khuu no pa küxü la tuchighive akeno phuphe luve nani.

AHOLE 15:27

Achipikumo kini mine keu ye pa kibo lo aküküpna xusü ani ikemu külügho mithi kemi no xülu nani.

ISAIAH 58:6

“Ikemu kümvü keu lono kixikila küxü kütsügha lono kuqhophe luve aye, eno kütami shou kuokhasü kuqhovetsü aye, eno nedaqodave kemi khaqhi pheve aye, eno ayikichhe jeli kümtsü ikhivetsü aye, hitoi kümvü keu no I pulou ke kumo keshea?

ISAIAH 58:8

Tishiaye, nongu küvü ye tsükutho küvü toi ipeghi nani, eno nongu shou shikipivi ye itheno ighive nani; nongu chipiu no nongu züu shino wu nani; eno Ampeu juküvü no nongu thiu nongu khe nani.

EZEKEL 22:13

“Julo, nongu no amikucho kumo lono ala shilu keu eno nongu gholo aji pele keu lono I no I u be nani.

MALAKI 2:6

Kuchou kükütsütsa no pa kichi lo ae, eno pa mütsü loye kiumu achipikumo ithumla. Külakishi eno müzüchoi I gholo cheche, eno pa no axine lono timi kutomo tutsüghü tsüe.

AKIKIHI 16:15

Moses ye agha ideve eno Ampeu vilo pi, “Timi hipaqo kümllagho ikhilutsü kevilo. Ni ye panoqow khurha lakhimu lumphie momu lakhimu ghüza mphie.”

MATTHEW 26:15

eno pi, “I no nongu pelo Jisü küghalu penike ikhiphe tsü aye nongu ye kiu I tsüni kea?” Panongu no ghükayi shighi pesü pa tsüve.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

Luke 19:8

Zacchaeus no müzüchoi ngove no Ampeu vilo pi, “Julo, Ampeu, I no akeu küakini tüxa ye kumlhomi tsüve niae. Eno I no kiuala pesü khuana pishiqhi püaghi aye, ghuthu bidi no küghüsüpe athoputho tsüni.”

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

1 John 3:7

Atianuliqo, khunomu nongu pishiqhipe kevilo. Khukhumu achipiu-mikucho pesü xüche kemi ye Khristo no amikucho kehu pa ghi amikucho ke.

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”