ISAIAH 32:7 - Sumi Naga CL (Re-edited) Bible (BSI)

⁷ Amqükiniu ghengu ye, pa mqü ye alhoksae; pa ye kumlhomi no achipiu shi apülaghi akimki tsa pesü pa ghesüqhi niye kixikila mqü kuchughu cheni.

BAIBEL (BSI)

⁷ Nikhanighamiye alhoksake eno alhoksa shicheni; pano akimiki lono kumlhomi shipusanike kumqu cheni eno panoqo chipiu ithulupenikeu pano lakha cheni.

ISAIAH 32:7 Iomraidhean Croise

LESHELE 119:95

Kixikilami no I kütsave niye I ngokhe, ikemu ni ye O yezah lo kümsüpuku ani.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 26:10

Kixikilami saphuuve aye, pa ye achipiu mikucho ghili ithimoae; akümzümi yeghi lo thotsü pa ye akumou shinani, eno Ampeu kükanguagha ithulumo nani.

ISAIAH 29:21

alatsa pesü pimimo kemi kitime, küghaküthau laghi lo alichhe shi, akimki pesü achipiu tuchighive chekemi kümtsü kütsave nani.

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 59:15

Amikucho ye kühavae, timi khuu no alhoksa lono tsüghü wuveni keno, pa ye pa ampi pesü tsükuchupu lhoxü toi shivae. Ampeu no ti ithulu, eno achipiu xakütha kühakeu ithulu no Pa mlo qimove.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

DANIEL 12:10

Kutomo no pano ampi shikimtheve no metsüghoi luve eno thakimthe luve nani, ikemu kixikilami ye kixikila shi anani. Eno kixikilami khunomu vethalumo nani, ikemu khunono alokütsümi keno panongu no vethalu nani.

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

MICAH 2:11

Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

MATTHEW 26:4

eno küsüu no Jisü küghape pithive nike kuchughu küqhave.