ISAIAH 31:3 - Sumi Naga CL (Re-edited) Bible (BSI)

³ Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

BAIBEL (BSI)

³ Ijipmiye aghahwuke kumoe, panonguye timi ke. Panongu khurshiye palhoaye kuta keu kumoe. Kughou AMPEU no itha wuveni keno ashiayeh kumtoye ipopiniyive cheni eno panono miqemileikeu shiayeh kuphu keu ghi ikiqive nani. Kuma kinikujo kutsaleve nani.

ISAIAH 31:3 Iomraidhean Croise

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

LESHELE 118:8

Timi shou pükhü akepu ye Ampeu ijeluve keu pavie.

LESHELE 33:17

Aghüshi khurshi no xalu nani pikeu ye kichile lajupue, tipau kumto ye kuphu mla nani.

LESHELE 9:20

Aküighüpu lo panoqo süvelo, O Ampeu! Shiyeqo pelo panongu ye timi kepi ithi pelo!

ISAIAH 10:3

Putou no küsakusho, aghime tsala ighi kelo nongu ye kishiveni kea? Khuno lau akukuphu phuwuni, eno no küakini khile qhiveni kea?

ISAIAH 20:4

Assyria kükau no Egyptmi ngo Cushmi, kichi-iti kümtsü akughumi shi sasü Egypt shikukujo ghi ashibo nhatsü mono aphikümsa sawuve nani.

ISAIAH 20:6

Tipa tsalani azüghimkü lo küami no ishi pi nani, ‘Nino khuno pükhüpe Assyria kükau launo xaphe peniye akukuphu khuwu chekeno, tipaqo lau kiu shive akeno julo! Imaye, ninguu ye kishino poluni kea?’”

ISAIAH 30:16

no pie, “Moe! Ningu ye khurshi lono poveni”, “Khurshi kümthü sasü poveni”, ikehu nongu no ponani ikemu nongu hani kemiu no akümthüu shinani.

ISAIAH 30:5

panongu no ijepe akeu shiaye no akukujopu eno atichepu thono kiumu pano kuphu luni chemo kehu kümtsü no kujove nani.”

ISAIAH 30:7

Ikemu Egypt kukuphu ye ameküha eno abokümsae, tigheno I no li pesü “A-a lo kungou Rahab” ipi kuve tsüae.

ISAIAH 36:6

Julo, nono Egypt shou pükhü ani kemu ti ye ayeghü küsü icheve keue, tino pa mungu ighikeu u lo amihi phisüve tsü cheni. Egypt kükau Pharaoh ye pa shou pükhü kemi kümtsü lau hitoi shicheni.

ISAIAH 36:9

Imaye nono Egyptmiw khurkulu ngo khurshimi shou pükhü akeloye kishino I mpeuw kijemi gholo akimkheu kepten qhejomu hachile luni kea?

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

JEREMIYA 15:6

Nono I milive, ipi Ampeu no asheshu; no ye athiu likhi idewove, ikehu I no I u chhopuwo no o kütsave Ni ye süchile keu no lhovae.

JEREMIYA 17:5

Ampeu no ishi piani: “Khuu no timi shou pükhübeni, aphimpi kumto pükhüni eno Ampeu launo tsüghüveni keno müsüinivae.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 28:9

O ghiqhini kemi zülo no ye timi thono alhou kumo keghi pano nhethe lono no ye itaghi, ‘Ni ye alhou ke,’ ipi ani keshea?

AMUS 2:15

shexilika kipeu ghi puthugho mlave nani, eno apukhu kümthüu ghi pa ampi xamla nani, tike kumono khurshi sakicheu ghi pa küxü xamla nani;

MATTHEW 15:14

Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”