ISAIAH 31:1 - Sumi Naga CL (Re-edited) Bible (BSI)

¹ Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

BAIBEL (BSI)

¹ Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 31:1 Iomraidhean Croise

BOTHUBO 47:17

Ikehu panongu no atsü-aqu peighi no Joseph tsü, eno Joseph no panoqow khurshi, atsü-aqu, lhoxü jeli eno khurhaqo theli lo achuqupu tsüe. Tipa mpe lo pa no panoqo tsü-aqu kümtsü theli lo achuqupu pewo panongu tsüe.

YEKIKITHI AKINIU 16:7

Tipa ghuloki lo tungkupu Hanani no Judah kükau Asa lau wuno pi, “Nono Ampeu o Lhou pükhüni ke züqhulo Syria kükau shou pükhübe kehu, Syria kükau ghüshimi ye o launo poka luvae.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

JOB 39:11

Pa küka kumto kije ghenguno no ye pa pükhülu, eno o kümlapu pesü pa lau kulhuqhi tsülu nanima?

LESHELE 20:7

Khami no khurkulu eno khami no khurshi shou pükhübe cheni, ikemu ningu ye Ampeu ni Lhou shou pükhü cheni.

ISAIAH 10:17

Israel küvü huno ami ilhouve nani, eno Akimtheu huno ami mili shive no ghulo lakhi lono aghüsahubo pitivetsü nani.

ISAIAH 2:7

Ghükayi ngo ameshoyi no pano yeghi chhitoi ani eno pano kini ye ashekha-aghile kühae; khurshi no pano yeghi chhitoi ani, eno panow khurkulu ye ashekha-aghile kühae,

ISAIAH 20:5

Tileno Cush shou lajube eno Egypt jupe qheza chekeqo ye alomtshü eno kujove nani.

ISAIAH 22:11

Nongu no azükikhe aqau zü luniye atupi kini dolo azükikhe chhuke. Ikemu nongu ye Khuu no tipau mla keno, Pa pükhübe move, momu Khuu no khaghi no ti kughuphe keno, Pa lau jumove.

ISAIAH 30:16

no pie, “Moe! Ningu ye khurshi lono poveni”, “Khurshi kümthü sasü poveni”, ikehu nongu no ponani ikemu nongu hani kemiu no akümthüu shinani.

ISAIAH 36:6

Julo, nono Egypt shou pükhü ani kemu ti ye ayeghü küsü icheve keue, tino pa mungu ighikeu u lo amihi phisüve tsü cheni. Egypt kükau Pharaoh ye pa shou pükhü kemi kümtsü lau hitoi shicheni.

ISAIAH 36:9

Imaye nono Egyptmiw khurkulu ngo khurshimi shou pükhü akeloye kishino I mpeuw kijemi gholo akimkheu kepten qhejomu hachile luni kea?

ISAIAH 43:15

Ni ye Ampeu akimtheu, Israel lhokeu, nongu kükaue.”

ISAIAH 5:12

Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

ISAIAH 57:9

Nongu no akükau lau axokütsüngü ala nongu philo süluve, eno thazü pesü wuke; nongu no now züqhukishimi ala kushuo lo puwu ke, eno Kithigha kutolo piqike.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

JEREMIYA 17:5

Ampeu no ishi piani: “Khuu no timi shou pükhübeni, aphimpi kumto pükhüni eno Ampeu launo tsüghüveni keno müsüinivae.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JEREMIYA 37:7

“Israel Lhou Ampeu no ishi piani: Judah kükau, khuu no I vehu ighiju penike I lau o puwu keno pa vilo pilo, ‘Julo, Pharaoh ghüshimi o kuphuni ke ighikeu ye pano yeghi Egypt lo idewo niye cheae.

JEREMIYA 42:14

eno, ‘Moe, ningu ye Egypt yeghi lo wuveni kughengu tilau ningu ye aghükishi ithumla nani, afuko ghügha chimla momu achuqupu kühano müzüthimo nani, ningu ye tilau küghüna auveni,’ ipi aye,

EZEKEL 17:15

Ikemu pa no hebide no paw lashikami Egypt lo puwu, tishino panongu pelo khurshi ngo ghüshimi kutomo pa tsü peniye shike. Pa ye tolu nani keshea? Thime hitoi keu shiche kemi ye pokalu nani keshea? Pa ye visho kubove no pokalu nani keshea?

EZEKEL 29:16

Panoqo lau akukuphu ghenguno tsüghü wukeu xine kümsüchile luno Israel laghami ye pükhükulu shi Egypt lau wumove nani. Tileno panongu no Ni ye Ampeu Alhou kepi ithi nani.”

DANIEL 9:13

Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

HOSIYA 11:5

Panongu ye Egypt yeghi lo idewomo nani, ikemu Assyria no pano kükau shive nani, kughengu panongu no I lau ideighini keu milive.

HOSIYA 11:9

Ni ye I ji kumqho pephe moae; Ni ye Ephraim kütsa kithemae; kughengu Ni ye timi kumono Alhou, nongu gholo Akimtheu, Ni ye aloghu lono ighimo nani.

HOSIYA 14:3

Assyria ye ni xamla nani; ningu ye khurshi samo nani; eno ningu ye, ‘Ni Lhou’ ipi ni u no mlakeu vilo pimo nani. O launo mighimi no küpükini ithulu chenie.”

HOSIYA 7:7

Panongu kümtsü no amiphoki külü toike, eno panongu no panow yepemi kütsave cheni. Panow kükami kümtsü ikiqivae, ikemu khunomu I ku ighimoe.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

HABAKUK 3:3

Alhou ye Teman küdau no ighi, Akimtheu ye Paran Toghi lono ighie. Pa juküvü no atsütsü nhakha, Pa shekiqhe no ayeghi chhitoi.

ZEKHARIA 10:5

Panongu ye aghüshi lo aghütomi toi nani, alaghila lo aniba lono aghümi nedaqhi nani; Ampeu no pano gholo ani kehu panongu no aghü shino khurghüshimi shikukujo nani.

ZAKINIU 17:16

Akükau ye khurshi kutomo pa sala qhimoni, momu khurshi qhünike Egypt lo paw timi pelo idewo pemoni, kughengu Ampeu no ishi nongu vilo pivae, ‘Nongu ye khilemu tipa laghi lo idewo moae.’

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.