ISAIAH 30:32 - Sumi Naga CL (Re-edited) Bible (BSI)

³² Ampeu qheküsü no panongu shou hepuku keu kiqi lono qüqüpu ngo küghaküsü lebo ghi küigha nani. Pa u kumto pesü Pa no panoqo küpüghü nani.

BAIBEL (BSI)

³² AMPEU no panoqo anguno anguno ghaqhi akelo paw timiqono turtur lebo ngo akighi lebo pesu qhaqha ighakumtsa anani. Alhou ampino Asiriyami sasu aghushi nani.

ISAIAH 30:32 Iomraidhean Croise

BOTHUBO 31:27

No ye kushiye küsüuno pove no I pishiqhive kea? Ni ye amqübo ngo aheo pesü kunuvüqai ale phesü o puwuni chekeghi kushiye I vilo pimo kea?

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

JOB 16:12

Ni ye iqüghai xüache ke Pa no ni hepho kighinyive; I kuo lono tsüqüpe aleqhi shive; I küghape Paw vemijipu shive no;

ISAIAH 10:24

Tighenguno Alhou, aqokitikhi MPEU no pi ani: “O Zion lo Iw timi akeqo, Egyptmi no shike toi Assyriami no asüthalu eno aqheküsü pesü nongu heqhi kelo msa kevilo.

ISAIAH 10:26

Oreb tuqu qhalo aqokitikhi MPEU no Midianmi ghaqhi kelo toi, Pa no akighikipili pesü panoqo küzaqhi nani. Eno Egypt lo Pa no aqheküsü peqhe keshi, Pa qheküsü huno azüghi shou anani.

ISAIAH 11:15

Ampeu no Egypt züghi lo azücheku qhoi puthovetsü nani, eno Pa tuthu shukuthui keu pesü Pa u no Euphrates ghoki shou kihi puku kelo aghokiti tsüni shive nani, eno timiqo no apukhuqho xapusü katha luve nani.

ISAIAH 19:16

Tipa ghuloki lo Egyptmi ye pano sükuchoqhi keu aqokitikhi MPEU zülo totimi toi akümsa lono khokhoshi nani.

ISAIAH 2:19

Ampeu no ayeghi süküthüni ye ighi kelo timiqo no Pa loghu eno Pa kükanguagha zülono posü atuki eno ayeghi alou itshü nani.

ISAIAH 24:1

Julo, Ampeu no ayeghi pükhülepe pighive tsü nani, eno ayeghi gi süchighipe tile akemi kuthole nani.

ISAIAH 24:8

Qüqüpu ghügha ye qümüivae, alokivishi iqhaighu keu kühavae, akighi lebo lejo ghi iqünheivae.

ISAIAH 30:29

Akimthe tiqhetini ikhiluke ji lo toi nongu no alovi ale phe nani, eno milakhi no Ampeuw naghuto lo, Israel Tuqu lau fulili ighasü iqho cheke toi, nongu no amlo qiqhiyi nani.

ISAIAH 31:4

Ikehu Ampeu no I vilo ishi pie, “Abongshuu no lhoxü tsüpe akelo ambekhemi no igha anamu pa kichimla momu hapupo mla ketoi, Aqokitikhi MPEU ghi aghü shini kehu Zion Toghi lo iqighi nani.

JEREMIYA 31:4

I no itaghi o shiqheni, eno o pesü shiqheve nani, O amikuchou Israel! Itaghi nono amqübo ikhipe alokivimi kighilhe shinani.

EZEKEL 28:13

No ye Eden, Alhou ghutu lo ache; akughupu tu jeli no o küzüpe ache, sardius, topaz, eno mlaputu, beryl, onyx, eno jasper, sapphire, emerald, eno carbuncle; ameshoyi no meda eno kixi puku o nanu shiche. O lhoke tsalani no tipaqo kutope qhitsüe.

EZEKEL 32:10

I no timi kutomo pelo o jupe apuchopungope nani, eno kughou I no panoqo zülo I zütakikihi pepheni keno panow kükami no o jupe thüghüi kelauno akütsüsa itho nani. Ow vekiqhi tsalani, timi kümtsü pütüta küxü ghenguno atüqhüdo kümtsü lo khokhoshi nani.

IBRIMI 12:26

Khaghi ye Pa sütsa no ayeghi süküghüthae, ikemu itehi ye Pa no piqhivae, “I no itaghi ghuthu lakhi ayeghi likhi kumono atsütsü ghi süküghütha nani.”

SAMUEL ATUGHIU 10:5

Tithiu nono Gibeath-elohim, khile Philistiami ghüshimi ghazü ani keno, tipau lo ighi nani. Tilau nono mishighüna lo ighi kemtsa, tungkupmi amqo lakhi qhemghaike-a lono iqi cheghi keu ithulu nani, eno panoqo zülo aheo, amqübo, fulili, eno akighi lebo küigha ghi tungkuptsa picheghi nani.

SAMUEL ATUGHIU 18:6

Kughou David no Goliath heqhive no idewo chekeno, Israel lo mishighüna kümtsü lono totimi no alephe eno ilhesü akükau Saul saluni ye ighi. Panongu no amqübo ngo akighilebo jeli pesü alokivi le phesü ighi.