ISAIAH 30:28 - Sumi Naga CL (Re-edited) Bible (BSI)

²⁸ Pa tuthu ye aghoki zü no akuo kutolo vesü ikughive ketoi ke. Pa no kütsakungo keu pesü shiyeqo ijoni ke sükuchoqhi cheni, eno panoqo sabide nike khurshi toi akichi lo ayi sütsü cheni.

BAIBEL (BSI)

²⁸ Azukuqono thwokha kumtsu yipewu ke toi pano pa zulo amlhu puwu cheni. Tino ashiayehqo josasu kutsakungopu shicheni eno panonguno alhoksa kughupe akeu kishekhave tsucheni.

ISAIAH 30:28 Iomraidhean Croise

SAMUEL AKINIU 17:14

Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

KUKAMI AKINIU 19:28

Nono mqhumzave akehu eno o qheküza tsa I kini lo iloghive akehu, I no ayikuho pesü o nigi lo fusü tsüni o kichi lo ayikha süve tsüni, eno nono ighi keu laghi züsü I no o kighide puwove nani.

JOB 39:17

kughengu Alhou no li pelo alokütsü kühave peke, eno vethakulupu saje kitilamu tsümove ke.

LESHELE 18:15

O Ampeu, Nono alomipi kelo, O nigipe lono atuthu shephe kelo, azüghi qowu akeqo ithulu, eno ayeghi boqha vezaleive.

LESHELE 32:9

Khurshi momu khurgha vethakulu küha keqo toi kevilo, tipaqo ye ivünhei peniye akichi küptapu ngo akighi no tsüghape acheni, tishimo aye o kupunu ngomo ake.

AHOLE 26:3

Khurshi ngo khurha ghenguno akighikipili eno mbomzümi ghenguno akihepusü acheni.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

ISAIAH 17:14

Julo, avelau ye shithüghüi anie! Ikemu tsükutho züuno panoqo ye kühavae! Hino ni pükaqhi no xulepuwuve tsükemi saje ke.

ISAIAH 19:3

pano dolo aghüthiküxü kühave nani, eno I no pano kimji hexavetsü nani; panongu no ajulho, küdüu, tumumi eno kithixashemi küsütsa nani;

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

ISAIAH 29:6

tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

ISAIAH 30:29

Akimthe tiqhetini ikhiluke ji lo toi nongu no alovi ale phe nani, eno milakhi no Ampeuw naghuto lo, Israel Tuqu lau fulili ighasü iqho cheke toi, nongu no amlo qiqhiyi nani.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

ISAIAH 63:17

O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

ISAIAH 8:8

eno Judah qha kümtsü qoiloghi no akuo kutolo yimi ikughive nani, pa chishibo sükhope nongu yeghi kümtsü qhawo nani, O Immanuel.”

HOSIYA 13:3

Tighenguno panongu ye inaqhe kimhi toi, momu itheno hauve keu tsüzü toive nani, aniqa lono amuu fupe wuve keu momu alashe lono amchhi phoipeghi ketoi nani.

AMUS 9:9

“Kughengu Julo, I no azah tsüno shiyeqo dolo Israel shiaye süküthü nani, ti ye akhoje no ijo akeshi ikemu atumüsü mu ijoqhimo nani.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

Luke 22:31

“Simon, O Simon, inilo, Satan no ashothi toi ijoveni ye khuke,

2 Thes. 2:11

Tighenguno Alhou no kübangü keu panongu lau puwu nani, eno panongu no kichileu pülü nani,

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Piyeküsü 2:16

Tighenguno xaidelo. Tikumo aye I no kighithe o lau ighini eno I kichi lo azütakikihi akeu pesü panoqo mjochile aghü shini.