ISAIAH 30:18 - Sumi Naga CL (Re-edited) Bible (BSI)

¹⁸ Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

BAIBEL (BSI)

¹⁸ Ikeghi AMPEU ye nongu kimiyenike kheanike. Paye nongu shou amlo ighiqhiyinike kutope ani kughengu paye pulhapujulo kiuno achipi keno tipau shi achenike. Khunono AMPEU shou pukhube cheni keno tipanoye alokivipuke.

ISAIAH 30:18 Iomraidhean Croise

JOB 35:14

Imaye nono Pa zülo kügha kepu ani eno Pa khe animu Pa ithulu chemoe pi akelo kishi o tsa initsü nani kea?

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

LESHELE 34:8

O, Ampeu ye aloke no ampi no michejulo! Pa launo sükusho luche kemi ye alokivipue!

LESHELE 84:12

O aqokitikhi Mpeu, khunono O pükhü cheni keno alokivipue!

LESHELE 99:4

Akükau no pa kumto lono kuchou xakütha kimiye cheni. Nono kümtsü lau aghibiu shi; Nono kuchou xakütha süghi eno Jacob lau achipiu mikucho süghike.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

AHOLE 16:20

Kütsüshika kelo amlotsü qhiyi keu ye akivi phuphelu nani, khuu no Ampeu shou pükhüni keno akümghapue.

ISAIAH 18:4

Kughengu Ampeu no I vilo pi: “Ghile ghuloki lo akimhi tsüzü toi, tsütsüni lo ghaqhi keu külü toi, I kungo-a lono I no asheshino jupiqi nani.”

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

ISAIAH 33:2

O Ampeu, nino O laju anike ni lau küpüqhiyi tsülo. Ina atsütsü ni kumtou shitsülo, aveküsa ghuloki lo ni xalu tsülo.

ISAIAH 33:5

Ampeu ye qhemghaike-a lo ani; Pa no kuchou xakütha ngo achipiu mikucho pesü Zion shepichhitsü nani,

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

ISAIAH 42:14

“Ado kushuo lono Ni ye inaqhoi ngovae; Ni ye inaqhoi I likhi Ni süchile pesü ngovae; itehi ye totimi no apunu küsü lo igha aketoi I no igha nani; I no atuthu shekukuno muqhu nani.

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 48:9

“I je ghenguno, I no I mlo kighide süchile cheni; I je sheqhe penike I no süchile ani, tishianguno nongu kütsaleve moniye ke.

ISAIAH 5:16

Ikemu aqokitikhi MPEU ye Pa chipiu lono süqhe nani, eno amikucho no Akimthe Lhou ye akimthe kepi piye ani.

ISAIAH 55:8

Kughengu I kükümsü ye nongu kükümsü toimoe, eno nongu laghi ye I laghi kumoe ipi Ampeu no pi.

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

ISAIAH 61:8

Kughengu ni Ampeu ye achipiu xakütha kimiye; I no aküpka ngo akumou mithi ke; I no amikucho lono panongu asaxü tsü nani, eno I no panoqo sasü lhokta ghenguno puloshoqhi shi nani.

ISAIAH 64:4

Timi khunomu O nguno alau ye alhou kütau anipi chimla aphi momu khuno nhethi nomu ithulu mphie, timi no huqhe kelo khochiletsü chekeu Lhou ye O likhi ke.

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

JEREMIYA 17:7

“Ampeu shou pükhübe kemi, Ampeu pesü pa küpkhü shikemi kümghapue.

JEREMIYA 42:7

Atsala chighi thiu Ampeu tsa Jeremiah lau ighi.

DANIEL 12:12

Khuu no kheakulu shi atsala 1,335 toluni keno akümghapue.

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

HOSIYA 2:14

“Ikehu, julo, I no li züizani, eno yenguyike-a lo saighi no ivüilai li pütsa kümtshani.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

MALAKI 2:17

Nongu no nongu tsa vecheo Ampeu lokümghavae. Ikemu nongu no pi, “Ningu ye kishi Pa lokümghave kea?” “Khukhumu küsakügha shikeu ye Ampeu nhethe lo akivi ke eno Pa ye tipaqo lo aloqi cheni, ipikeu lono ke.” Momu “Achipiu xakütha Lhou ye khile ani kea?” ipikeu lono ke.

Luke 15:20

Pa no ithu papu lau idewo. Ikemu pa no putou chephi lono papu no ithuluve no pa mlo saqhiyive, eno pa no anu lau posü wuno pa khadape müma.

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

Rommi 9:22

Tsala Alhou no Pa loghu eno Pa küka ithi peniye kütsaveni keu shi kuto püakeu, aloghu liqo, lau alaushi ado kushuo kheakulu eno kutuukulu shipüaghi aye kiu pini kea?

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

Ephesiami 1:8

Pa no alokütsü ngo kuthoküzü kighithi gholono ningu shou küpükini lepuku tsüno

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

2 Peter 3:15

Alhou no alokütsü tsükeu kiqi lono nino kimiye chekeu athiküzüu Paul no nongu lau yepuwu ketoi ni Mpeu no kutuu tsükeu ye nongu xakulupu ghenguno kepi kihilo,

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.