ISAIAH 29:6 - Sumi Naga CL (Re-edited) Bible (BSI)

⁶ tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

BAIBEL (BSI)

⁶ Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

ISAIAH 29:6 Iomraidhean Croise

SAMUEL AKINIU 22:14

Ampeu no atsütsü lono tsütsüsü, Shishe Akughushuu no sheshue.

LESHELE 55:8

Fukichighi mülhü eno pasapagha launo ni ye mtazü akicheqho phuwuni cheke.”

ISAIAH 10:3

Putou no küsakusho, aghime tsala ighi kelo nongu ye kishiveni kea? Khuno lau akukuphu phuwuni, eno no küakini khile qhiveni kea?

ISAIAH 26:14

Panoqo ye thivae eno xülu moae; aghawu shive ake ithughi moae; Nono kütsakungo keu pesü panoqo xuju no pano juaje nuxave tsüe.

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

ISAIAH 30:30

Ampeu no timiqo pelo Pa sütsa kümgha chilupe nani, eno Pa xukighide lono amiküqü, tsütsüpha tsütsüghu, pasapagha eno mürasü piqi keu ithulupe nani.

ISAIAH 31:9

Pano sükushou ngo kijemi no msa kelauno amchipu qhive no atuthu küha kuhave nani,” ipi Ampeu, khuu miküqü no Zion lo acheni keno, Jerusalem lo küau no shuphe ani.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

EZEKEL 38:22

I no püsa ngo ajikuqo pesü pa shou küghatha nani, I no pa ngo paw aqokitikhi eno timi kutomo khunoqo pa gholo ani keno panoqo shou pasapagha tsütsüghu, mürasü, ami eno amichu ghuqhitsü nani.

AMUS 1:14

Tighenguno I no Rabbah liwo shou ami süvetsü nani, eno tino liw sükusho-aqo pitileve tsü nani, aghüshi tsala lo toi ighamku nani, pasapagha lo miyitsü toi nani;

NAHUM 1:3

Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

MATTHEW 24:7

Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

Mark 13:8

Shiye lakhi no lakhi sasü aghüshi nani, titoi kükaqha kini dolono aghüshi nani. Ayeghi küghütha a-a kutomo lono ipeghi nani; püqümiye ighi nani. Hipaqo ye apunu küsü hukuthu likhi aphie.

Luke 21:11

Ayeghi küghütha kije ighi nani, a-a kutomo lo püqümiye ngo püsa jeli ighi nani, eno shithüghüi keu sütsa ngo amchipu kije atsütsü lono ipeghi nani.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 16:18

Tileno tsütsüpha kulouve, tsütsüküsü ghügha no vekipighi igha, eno ayeghi küghütha kije ipeghi, paküta keu yeghi küghütha kehu timi xülo titoi keu ye khilemu ighiju mphie.

SAMUEL ATUGHIU 2:10

Ampeu ghümi ye mukhumuno shive nani; Pa no atsütsü lono tsütsüsü panoqo mjo nani. Ampeu no ayeghi shekichi kutolo xaküthau shi nani; Pa no akumto pesü Pa kükau tsü nani eno Pa no nukishelu keu kibo süqhe nani.”