ISAIAH 29:5 - Sumi Naga CL (Re-edited) Bible (BSI)

⁵ Ikemu no ghümi aqokitikhi timi kichiqhi chekeqo ye amkhu eno amuu fupe cheke toive nani. Eno paikhavi, züleno,

BAIBEL (BSI)

⁵ Jerusalem, inaghami khunoqono oleighinikeno panonguye ayeghi mukhu toi fulesawuve nani eno panoqo ghushimi akuighupu shiakeqoye aghijini toi fupe wuve nani. Zuleno eno huqhemoke lono

ISAIAH 29:5 Iomraidhean Croise

JOB 21:18

Panongu ye ghuthu khije amülhü zülo khauteni toi, eno pasapagha no amuu fupewu ketoive akea?

LESHELE 1:4

Ikemu kixikilami ye tishimoe, pano ye amülhü no amuu fupe wuve ketoi ke.

LESHELE 35:5

Ampeuw kungumi no panoqo hale sawuve kelo panongu ye amülhü no amuu fuleve ketoi pelo!

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 25:3

Ikehu ashiaye kumtomi no O je pipitsü nani; ayiküsa shiyeqo no O sümsa nani.

ISAIAH 25:4

Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

ISAIAH 25:5

qhaike-a lo atsala külü toike. Nono inaghami kumbu hasüve tsü; khüngküsü no atsala külü nhave keshi ayiküsami lekiphe hasüvae.

ISAIAH 29:20

Kughengu ayiküsami ngo thoküghami eno alhoksa kughu chekemi qhoi kütsaleve nani,

ISAIAH 30:13

qhemghai keu tupi ipo ipeghi no züleno ilaqighive keshi nongu lau hipau xine no titoi ighi nani;

ISAIAH 31:3

Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

ISAIAH 31:8

“Eno Assyria ye timiw kumokeu zütakikihi lono ikiqi thive nani; ghüshimi no aghü zülono pove nani, lhothemi ye aqüaxe lo süve nani.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 40:15

Julo, shiyeqo ye azütughuko lo kighiji lakhi toie, eno ahu lo ayeghimkhu lothi lakhi pepuku aketoie; julo, Pa zülo züdoyeghi ye amkhu lothi lakhi paphike.

ISAIAH 41:11

Julo, khunoqo no o shou amloide ani keno, panongu kümtsü kujovepe nani; khunono o sasü kumgho cheni keno, panongu ye kiumu kumove nani eno püghave nani.

ISAIAH 41:15

Julo, I no o pesü ashu kithe, mtsüsüi eno tsüghaminhei keu athi kütsüghütu shi nani, nono naghutoqo tsüghü eno kubopinyi nani, eno atoghiqo amuu toi shivetsü nani;

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 47:11

Ikemu alhoksa no o shou ikughi nani, no ye kishino tipau khonhaveni keno mtha nani; küsakusho no o shou ikughi nani, no ye tipau lochile mla nani; eno nono khilemu ithimo keu amhekiqi no paikhavi o shou ikughi nani.

ISAIAH 48:3

“I no khaghino pichho tsüe; I kichi lono I no sheshue; paikhavi tipaqo ye shikupuve.

AMUS 5:9

Pa no akumtomi shou züleno kütsakungo keu puwu, tishianguno aliwo shou kütsakungo keu ighi cheni.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.