ISAIAH 29:15 - Sumi Naga CL (Re-edited) Bible (BSI)

¹⁵ Ampeu launo nongu kukughu küsüpe aküzü lo qhive no, “Khuu no ningu ithulu ani kea? Khuu no ningu ithi ani kea?” ipiche kemi haküsapue!

BAIBEL (BSI)

¹⁵ Khunoqono panono kughupe puakeu AMPEU launo kusu veni keno tipanoye ahaksapuke! Panonguno kusuuno panono kumqu puakeu shi acheni, eno khunomu panongu ithuluni chemo momu khunomu panonguno shiakeu ithini chemo kepi kumsu acheni.

ISAIAH 29:15 Iomraidhean Croise

SAMUEL AKINIU 11:27

Eno akumlo do kishekhave kethiu David no pa kilo li saighivepe, eno li ye pa nipu shive no anu lakhi punu. Ikemu David no kiu shive keno tino Ampeu ye Pa loshipüsüve.

KUKAMI AKINIU 17:9

Israelmi no tuqhou no Ampeu pano Lhou shou akumou mlae. Panongu no pano phughi kümtsü lo, qogheki lono aliwo kumto mishighüna kutolo akümlla-a mlape qhi.

JOB 34:22

Alhoksa kümlami no itshülu kepu-a züchiyi keu momu aküzü kutho khilehi mu kühae.

LESHELE 59:7

Panongu ye hule ani, pano kichi lono ghubolei igha ani panoqo mütsü lo azütakikihi ani— kughengu panongu no kümsü, “Khuu no ni tsa chiluni kea?”

LESHELE 73:11

Panongu no pi, “Alhou ye kishi no ithini kea? Shishe Akiqheu ye akighithi ani keshea?”

LESHELE 83:3

Panongu no Ow timiqo shou mqümgha kuchughu ani; kümtsa kuchughu no Ow akughupu timiqo lachile ani.

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

ISAIAH 47:10

Nono ow kixikila lono piche, “Khumu ni ithulu amoe”; o lokütsü ngo o kighithi no o sabidevae, nono o mlo lono ishi pike, “I likhi ke, I nguno kütami khumu kühae.”

ISAIAH 57:12

I no nongu chipiu ngo nongu kümla lhevetsü nani, ikemu ti ye nongu la shimla nani.

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

EZEKEL 8:12

Tithiu Pa no I vilo pi, “Timi nu, Israel lagha lo layemi no ajutho akeu chebo lo pütüta shelo aküzü lono kiu shi ani keno no ye ithulu akema? Kughengu panongu no pie, ‘Ampeu ye ningu ithulu amoe, Ampeu ye ayeghi hipau phevae.’”

EZEKEL 8:8

Tile Pa no I vilo pi, “Timi nu, atupikiye chhuilo lo.” Ikehu I no atupikiye chhuilo, eno julo, tilau akulaghi lakhi aghi.

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

HOSIYA 5:2

Mjochile kemi no kuthoküzü shi heqhi ghiqhi auvae, ikemu I no panongu kümtsü shikümzü nani.

ZEFANIA 1:12

Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,

MALAKI 2:17

Nongu no nongu tsa vecheo Ampeu lokümghavae. Ikemu nongu no pi, “Ningu ye kishi Pa lokümghave kea?” “Khukhumu küsakügha shikeu ye Ampeu nhethe lo akivi ke eno Pa ye tipaqo lo aloqi cheni, ipikeu lono ke.” Momu “Achipiu xakütha Lhou ye khile ani kea?” ipikeu lono ke.

John 3:19

Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.