ISAIAH 28:7 - Sumi Naga CL (Re-edited) Bible (BSI)

⁷ Tungkupmi ngo achinemi ghi aji kümka shopusü nanashi cheni; atsaijiu no panoqo munove akehu panongu ye anhetsü ghi zazashi, eno küghakütha lo ghi izüvui ke.

BAIBEL (BSI)

⁷ Tungkupmi ngo achinemi ghi shishe shomzuve kehu panonguye kulokuloyike. Panonguno atsayiji ngo aji kumka shishe shove kehu panonguye izuvulai puzu kupuxa kupunaike. Tungkupmiye shomzuve kehu Alhou no kungunhetsu puwukeu ithikuthu mlave eno achinemiye shomzuve kehu atsa kughathatsu peniye sughikeulo kupuxakupunai auveke.

ISAIAH 28:7 Iomraidhean Croise

LESHELE 107:27

panongu ye shokümzümi toi khokhoshi eno nanashi ke eno panoqo lokütsü ye ashekha shive.

AHOLE 20:1

Aji ye akiphikumo, aküpütsü ji ye mtomshu chekeu, aji no saküghüzüve kemi ye alokütsümi kumoe.

AHOLE 23:30

Khunono aji vapesü ado kushuo ngocheni eno aji lekite keu sho cheni keno tipaqo noke.

YETSAPIU 10:17

Ikemu o kükau no ghenimi nuli shi aghi, eno ow yepemi no shomzü niye kumono ashiaji mto niye ado achipi lono aghulhu shi aye, o lokivipue.

ISAIAH 19:14

Ampeu no pano dolo kübangü keu kükümsü süve tsüae, shokümzümi no pa kumghu nekiphe keshi panoqo no Egypt pelo ala kümtsü lo nekiphepe nani.

ISAIAH 22:13

Ikeghi julo, nongu no alokivi eno ahukülü shi amishi ngo ambe heqhichu eno atsaiji shove no pi, “Ningu chushoni nolo, kughengu thoghiu ningu ye thiveni ake.”

ISAIAH 24:2

Timi lau toi achinemi lau ghi shinani; aqü-axeu lau toi ampeu lau shinani; aküqhüu lau toi akijemi lau shinani; pünakeu lau toi akünau lau shinani; akighishekuluu lau toi apikupuu lau shinani.

ISAIAH 24:20

Ti ye shokümzümi toi nanashi; apushonha toi sükujokiji ani; axine no mishishei qape ikiqive no ithughi kithe move nani.

ISAIAH 28:1

Aha, Ephraim küka kütsükuqho xapusü shomzü chekemi, aghüma khila lo aji no theqhive kemi kütsü lo jukighilepu xamunu achekeu ye ighüivae!

ISAIAH 29:11

Nongu ghengu ye kungunhetsü hi kümtsü mekha püakeu liküküzü kaku lo akeu tsa toivae. Tipau pesü phithi kemi tsüno, “Hi phijulo,” ipi aye pa no, “Hi ye mekha püanike ni ye phimlae,” ipi nani.

ISAIAH 3:12

Angakughunuqo no Iw timi nedaqoda auvae, eno totimiqo no pano shou ayepe auvae. O Iw timiqo, now lapiyemi no nongu sabide ani, eno nongu laghi shiküghüzüve tsüae.

ISAIAH 43:27

Nongu puasü atüghüu no axine shive; eno now aghinimi no I zülo axine shive.

ISAIAH 5:11

Khunono aji kümka shoniye inaqhe itheno ithu, eno kijiliu aji no lüghüi pitipüza moke kutolo shocheni keno, pano hasapue!

ISAIAH 5:22

Khunono aji kusho eno aji kümka kikite lo shitsami kepi cheni keno ahasapue,

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 23:13

Samaria lo tungkupmi gholo I no angaghai keu thime ithulu: panongu no Baal jelono tungkuptsa pi eno Iw timiqo saküghüzüve.

JEREMIYA 23:16

Aqokitikhi MPEU no ishi piani: “Tungkupmi no adou lajupu tungkuptsa pesü nongu shepichhi keu ini kevilo. Panongu ye Ampeu launo kumono pano kükümsü lono ipeghi keu kungunhetsü tsa piani.

AKUMLO 2:4

Aghümi lakhi toi Pa no Paw shexilika piqe luvae, Pa u ajeu no piqepe ngovae; ni nhethe lo azüküvü ache keqo kümtsü Pa no Zion nga phiki lono pithivae; Pa no ami toi Pa loghu pephevae.

EZEKEL 13:7

I no pimo keghi nongu no, ‘Ampeu no asheshuvae,’ pikeu ye nongu ye kichile kungunhetsü ithulu eno pishikiqhi chine pi anike kumo keshea?”

EZEKEL 44:21

Achinemi khumu akikhala alou iloghi kelo aji shomoni.

HOSIYA 7:5

Ni kükau tsala lo sakiphemiqo ye aji shomzü keu no süuve; Pa no thoküghami gholono pa u xachho tsüke.

MICAH 2:11

Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

HABAKUK 2:15

“Khuu no pa kisüghümi aji piye cheni keno ahaküsapue— pano phikümsa lo jupukuni ye nono o loghu leqhi tsüno panongu pelo shomzü peke!

HABAKUK 2:16

No ye ajekipi züqhulo akukujou no chhitoive nani. Nou no shoalo, eno o phighüyiko ghamo keu piyelo! Ampeu u ajeu akeu jukhu ye idechilesü o lau ighi nani, eno shishe akukujopu no o jekipipu nhavetsü nani!

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Ephesiami 5:28

Tipaphi shi akimiqo ye pano phimpi toi pano nipu kimiye masae. Khuu no pa nipu kimiye cheni keno pa ampi kimiye cheni.