ISAIAH 28:21 - Sumi Naga CL (Re-edited) Bible (BSI)

²¹ Perazim Toghi, Gibeon Khila lo toi Ampeu no paküta keu eno thosülo shichemo keu kümla shinike axuide ithughi nani!

BAIBEL (BSI)

²¹ AMPEU ye Perazim Toghilo shikeshi eno Gibeon khilalo axuide keshi pano aghu shinani, pano shiniaye kiu kumsupu anikeno tipau shikupuniyeke, pano shiche keuye akumzaqhiyi kepuke! Pano pa kumla shikhave nani, pa kumla ye tuqho tugho kumzapuke.

ISAIAH 28:21 Iomraidhean Croise

SAMUEL AKINIU 5:20

David no Baal-perazim lo ighi no panoqo shou toluve. Pa no pi, “Ampeu no züqozü lakhave ketoi I zülono I ghümiqo lakhavae.” Ikehu tipa-a pesü Baal-perazim kuvetsü.

SAMUEL AKINIU 5:25

David no Ampeu no azah tsüke toi shino Geba lono Gezer kutolo Philistiami ghiqhive tsü.

YEKIKITHI ATUGHIU 14:11

Ikehu David no Baal-perazim lo iqho no tilauno panongu theqhi khave, eno pa no pi, “Azü khepucho püakeu mpa ipeghi keshi Alhou no I vecheo I ghümi shoxü ilo leluve tsüae.” Tighenguno tipa-a pesü Baal-perazim kuvetsü.

YEKIKITHI ATUGHIU 14:16

Ikehu Alhou no azah tsü ketoi David no tishi püzü Gibeon lono Gezer kutolo Philistiami ghüshimi haleve.

LESHELE 94:16

Khuu no I ghenguno kixikilami lachile ithughini kea? Khuu no I ghenguno alhoksami lachile ithughini kea?

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 28:19

Panongu no inaqhe atsütsü, puchou eno putho lo ika ighike kümtsü lo nongu küghape wuve nani; eno hipa tsape vethalu kelo thüghüi nani.

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

ISAIAH 29:23

Kughengu panongu no pano tianuli I u no lhokeqo ithulupe akimtheshi I je ikhilu nani; panongu no Jacob Lhou Akimtheu eno Israel Lhou zülo agigihupu shi puthugho nani.

ISAIAH 64:2

tipaqo pelo ami no asü lokaqo piti akeshi, eno ami no azü kumqho akeshi— tileno O ghümi pelo O je ithi penike, eno shiyeqo pelo O zülo khokhoshi msa peniye ke.

ISAIAH 65:7

Ti ye nongu xine ngo nongu puasüqo xine ishi lochiletsü nani, ipi Ampeu no piani; kughengu panongu no naghutoqo lono akümllagho tsüke eno atoghiqo lono I thaigha ke, I no pano lukobo lo wovekeu lo pano xine mighi püzü lepukutsü nani.

JEREMIYA 30:14

O ngulami kümtsü no o kümsümavae; panongu ye kiumu o tucho movae; I no aghümi toi o ghüzavae, kimiyemo keu ghümi no ghimeqhi keu toivae, kughengu o kipimi ye kije, eno o xine ye kutomo ke.

AKUMLO 2:15

Khunono o kathasü wu keno kümtsü no au kukhupe o tsüe; panongu no Jerusalem limi cheqhi eno akütsü küzü ghi pi: “Kupukülai keu jukivi, ayeghiqha kümtsü lokivipu, ipi chekeu mishighüna huye hi keshea?”

AKUMLO 3:33

kughengu Pa ye amlo lono ithithai no ghimeve momu timi tianuliqo shikughujuve chemoe.

EZEKEL 33:21

Ningu haphe sawuve keu ampe chighiakiniu, aqhi achighiu eno atsala apunguu lo Jerusalem lono pokaighi kemi lakhi I lau ighi no pi, “Mishighüna ye kütsalevae.”

HABAKUK 1:5

“Shiyeqo gholo juno ithulu lo; akichiqhi eno akümzaqhiyi lo. Kughengu nongu vilo pi namu pülü moni keu kümla lakhi I no nongu ghuloki lo shinani.

JOSHUA 10:10

Ampeu no Israelmi nhethe lono pano shithüghüive no Israelmi no Gibeon lono kutomo ghiqhive tsü eno hasü Beth-horon naghuto la kuto iqive no Azekah ngo Makkedah kutolo hawu.

JOSHUA 10:11

Panongu no Israelmi zülono posü iqi Beth-horon ikuqho küdau cheke lono Ampeu no mürasü kuloghi Azekah laghi kutolo ghuqhi no panongu pithive. Israelmi no heqhive tsükeu nguno akichiu no mürasü no veqhive.

JOSHUA 10:12

Ampeu no Amorimi shou tokulu pe Israelmi tsüke tsala lo Joshua no Israelmi nhethe lono Ampeu pütsae, “Khetsünhe, no ye Gibeon shou ngolo, eno aqhi no Aijalon khila shou ngolo.”