ISAIAH 28:19 - Sumi Naga CL (Re-edited) Bible (BSI)

¹⁹ Panongu no inaqhe atsütsü, puchou eno putho lo ika ighike kümtsü lo nongu küghape wuve nani; eno hipa tsape vethalu kelo thüghüi nani.

BAIBEL (BSI)

¹⁹ Tipauno anguno anguno, ina-atsutsu nongu ghaqhi nani eno nonguye putho pucho tipau puqhe amasa nani. Alhou launo asutsa kithe ighikeulo akuighupu akithe sughi nani!

ISAIAH 28:19 Iomraidhean Croise

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

KUKAMI AKINIU 18:13

Akükau Hezekiah yepe mpe chighiabidiu lo Assyria kükau Sennacherib no ighi no Judah lo aliwo kumto mishighüna kümtsü leluve.

KUKAMI AKINIU 21:12

tighenguno Ampeu Israel Lhou no ishi piani: Julo, I no Jerusalem ngo Judah shou chikulumi pelo akini ghi mthomzai pekepu küsakusho puwuni.

KUKAMI AKINIU 24:2

Ampeu no Pa qemi tungkupmi vecheo pipüa ketoi Jehoiakim sasü aghüshi no Judah kütsakungove penike Ampeu no Chaldea, Syria, Moab eno Ammon ghüshimi puwu.

JOB 18:11

Akümsapu no ala kümtsü lono pa shikichi eno pa haqhi cheni.

JOB 24:17

Kughengu pano müzülo aküzü kutho huno inaqhe ke; pano ye aküzü kutho küighüpu sasü shoupau shicheni.

JOB 41:9

Julo, pa theqhive nike laju akeu ye kichileke; timi ye pa ithulu aphi lono alomtshüve cheni.

JOB 6:4

Kughengu Akughushuu piji no I philo chhesü püani; I ghungu no tipau tüghü ye ani; Alhou no I kichi kümsa kepu pesü ajoshi kutope ani.

LESHELE 55:4

I lolo ni ye kütakihi ani; akithi küighüpu no I shou ikughivae.

LESHELE 88:15

I lhothe lono ni ye aghime shive no thiveni keshive; ni ye Nono aghime tsükeu makho xapu lhovae.

ISAIAH 33:7

Aghütomi eno külakishi ghinimi ye alaghi lono mloqa anike julo.

ISAIAH 36:22

Tithiu kükaki jukükütsüu Hilkiah nu Eliakim, akiyeu Shebna, eno yekikithiu Asaph nu Joah no aphimini süxü amloksa shi Hezekiah lau ighi no Rabshakeh tsa pesü pa vilo pive.

ISAIAH 37:3

Panongu no Isaiah vilo pi, “Hezekiah no ishi piani: ‘Atsala hipau ye aveküsa, tichetighe, akukujo tsalae; atianuli punu niye milepe ngove akemu shoqhilu kepu küka kühavae.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

JEREMIYA 19:3

Nono pini, ‘Ampeu tsa inilo, O Judah kükami eno Jerusalem lo küxümiqo. Aqokitikhi MPEU, Israel Lhou no ishi piani: Julo, I no kütsakungo keu a-a hipau lo süghini cheni, hipau chilu kemi kümtsü kini lo qüqüshi chilu nani.

JEREMIYA 4:5

Judah lo asheshu lo, eno Jerusalem lo pikülha lo, “Ayeghi kümtsü lo afuko ighalo, ighamku pilo, ‘Kumqolo, ningu aliwo kumto mishighüna lo iloni!’

JEREMIYA 4:9

“Tipau tsala lo, Ampeu no asheshu, kükamiqo eno kijemi ngo amlo kumtomi ghi ikiqive nani. Achinemi no thüghüive nani, eno tungkupmi no kichimamaive nani.”

JEREMIYA 6:24

Nino tipau sütsa chiluvae; ningu u ye miqemleivae, totimi no apunu küsü sü akeshi amlo ghime no ni tsüqü luvae.

AKUMLO 2:22

Nono tiqhetini tsala lo toi aqha kümtsü lono I shikichi kepu kusü, eno Ampeu mlokighide tsalani khumu pomla momu xümlave; I no khunoqo khape eno saputhu keno I ghümi no kütsave.

DANIEL 7:28

“Hi no avehu kishekhave ani. Ni, Daniel ghengu ye, I kükümsü no ighono I shithüghüive eno I ju ye kilive, ikemu I no hipa vehu I mlo lo qhiluve.”

DANIEL 8:27

Eno ni, Daniel, ye atsala hami süve no ihozüve. Tithiu ni ye ithughive no akükau kümlapu lo wuve, ikemu ni ye kungunhetsü ghenguno aveghüzü shino tipau vethamlave.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

SAMUEL ATUGHIU 3:11

Tile Ampeu no Samuel vilo pi, “Julo, Israel lo thime lakhi I no shiniye ani, tipau shikelo khuno kini no chiluni keno panoqo kümtsü akini mutho ghüghüi nani.