ISAIAH 28:15 - Sumi Naga CL (Re-edited) Bible (BSI)

¹⁵ Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

BAIBEL (BSI)

¹⁵ Nonguno akithi sasu kuptsape qhiveapi eno akithi yeghi sasu pulokilepe qhive akepi qheza acheni. Kutsakungo ighikelo nongu phepuwuve nani kepi mutsuqhei shipe acheni kughengu nonguno nongu xalu apenike akimki eno kichileu pukhu acheni.

ISAIAH 28:15 Iomraidhean Croise

BOTHUBO 37:20

Itehi ighilo, ningu pa heqhive no aqokutho lakhi lo vesüveni nolo. Tishino tüghashi yiküsa no pa tsüqhivae pi ningu no piveni, eno pa samo ye kishive nani keno nino ju tsüni.”

JOB 5:23

Kughengu o lulo atu akeqo ye o pünaqhimo nani, eno aluza lo tüghashiqo no o sasü külakishi lono anani.

YETSAPIU 8:8

Timi khumu pa küxü tuthu hakhalu kepu küka kühae, momu pa kithi tsala tukiqeve mlae. Aghükishi lo ghüshimi ye aki lo womla ketoi kixikila ye khilemu timi phepupo chemoe.

ISAIAH 28:18

Tileno now puloshoqhi akithi sasü shikeu ye xave nani, eno Kithigha sasü puloküqha keu ghi pemlave nani; aghümi no züqozü toi jole ighi kelo nongu ye yipe wuve nani.

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

ISAIAH 29:15

Ampeu launo nongu kukughu küsüpe aküzü lo qhive no, “Khuu no ningu ithulu ani kea? Khuu no ningu ithi ani kea?” ipiche kemi haküsapue!

ISAIAH 3:12

Angakughunuqo no Iw timi nedaqoda auvae, eno totimiqo no pano shou ayepe auvae. O Iw timiqo, now lapiyemi no nongu sabide ani, eno nongu laghi shiküghüzüve tsüae.

ISAIAH 30:10

tungkupmi vilo ishi picheni, “Juchho kevilo,” momu, “Ni vilo achipiu tsa pi kevilo; akishekütsü, kümsükuju tsau pesü ni vilo pilo,

ISAIAH 30:12

Ikehu Israelmiw Akimtheu no ishi piani: “Nongu no atsa hipau phimove no nedaqoda keu ngo pishikiqhi shou pükhü ani kehu,

ISAIAH 30:28

Pa tuthu ye aghoki zü no akuo kutolo vesü ikughive ketoi ke. Pa no kütsakungo keu pesü shiyeqo ijoni ke sükuchoqhi cheni, eno panoqo sabide nike khurshi toi akichi lo ayi sütsü cheni.

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

ISAIAH 59:3

Kughengu nongu u ye aji no kitiqe püani eno nongu ulotiqo ye akimthe shiamoe. Nongu mütsü lo akimki ani; eno nongu mili no kixikila tsa pike.

ISAIAH 59:4

Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

ISAIAH 9:15

layemi ngo ajuaje küami no akütsü, eno akimki tungkupmi no ashomhi;

JEREMIYA 13:25

Hi no o saje, I no o saje mighi phevae, Ampeu no asheshu, kughengu nono I kümsümave eno akimki shou pükhübe ke.

JEREMIYA 14:13

Ikehu I no pi, “Ya, Ampeu Alhou, tungkupmi no panongu vilo picheni, ‘Nongu ye azütakikihi momu püqümiye mu ithulumo nani, ikemu I no a-a hipau lo aloino keu tsünani.’”

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

JEREMIYA 5:12

Panongu no Ampeu zülo akimki tsa ishi pi, ‘Pa ye kiumu shimo nani; kütsakungo keu ni shou ikughimo nani, azütakikihi momu püqümiye ithulumo nani.

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

EZEKEL 13:16

Israel lo tungkupmi khunoqo no Jerusalem ghenguno tungkuptsa pi eno tipau lo külakishi küha keghi külakishi kungunhetsü ithulu keno panongu ye kühave nani ipi Ampeu Alhou no asheshu.

EZEKEL 13:22

I no amikuchomi püqapunu mo keghi nongu no akumou lono amikuchou ghüthi püsüve tsü, eno kixikilami shikumto no pa pelo kixikila laghi lono tsüghü idelu no pa küxü xalu pemoke ghenguno

EZEKEL 22:28

Liw tungkupmi no panoqo ghenguno metsüghoi keu no nuda ketoi nudave tsüno kichile kungunhetsü ithulu eno akimki saqhi tsüno Ampeu no piqhimo keghi, ‘Ampeu Alhou no ishi piani,’ ipike.

EZEKEL 8:12

Tithiu Pa no I vilo pi, “Timi nu, Israel lagha lo layemi no ajutho akeu chebo lo pütüta shelo aküzü lono kiu shi ani keno no ye ithulu akema? Kughengu panongu no pie, ‘Ampeu ye ningu ithulu amoe, Ampeu ye ayeghi hipau phevae.’”

DANIEL 11:22

Ghüshimi eno puloshoqhi kükapuu ghi pa zülono qhoi joleve eno kütsave nani.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

HOSIYA 2:18

Tipa tsalani, I no panoqo ghenguno aluza lo tüghashi, kungu ghau, ayeghi lo itikiche lhoxü sasü puloshoqhi shi nani. I no aghakhu lono shexilika, azütakikihi, eno aghükishi lakhave tsü nani, eno nongu pelo aküighüpu kühave no ikiqi ihozü lupe nani.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

AMUS 6:13

ti ye nongu Lo-debar lono alokivishi, “Ni kumto lono ningu ampi no Karnaim leluve ake kumo?” ipi chekeqo noke.

JONAH 2:8

Khunono adou julho gihu cheni keno pano ye iqemokeu kikimiye lajupu phevae.

ZEFANIA 1:12

Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,