ISAIAH 27:13 - Sumi Naga CL (Re-edited) Bible (BSI)

¹³ Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

BAIBEL (BSI)

¹³ Tipa tsalalo, Asiriya lo ngo Ijip lo Israilmi khije halepuwu puakhani keno tipaqo kuchilekeu shi ghi afuko lakhi kuyigha nani. Panonguno ighino Jerusalem lo, pa kimthe toghilo AMPEU mlla nani.

ISAIAH 27:13 Iomraidhean Croise

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

YEKIKITHI ATUGHIU 15:24

Shebaniah, Joshaphat, Nethanel, Amasai, Zechariah, Benaiah, eno Eliezer, achinemi hipaqo no Alhouw Puloshoqhi Bohu zülono afuko küighani keu shi. Obed-edom ngo Jehiah pama ghi Puloshoqhi Bohu khemi shipe.

LESHELE 47:5

Alhou ye asütsa kuloghi lono kunguu ikuvae, afuko ghügha lono Ampeu ye ikuvae.

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.

LESHELE 89:15

Khunono O gi küvü lo checheni, eno tiqhetini lokivi ghügha ithi ani keno pano lokivipue,

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 18:3

Nongu ayeghiqha lo xüküamiqo, kughou naghuto lo amchipu süqheni keno, jukuto lo! Afuko küigha kelo chiluve lo!

ISAIAH 19:21

Ampeu ampi no Egyptmi lau pephe piye nani, tipa ghuloki lono panongu no Pa ithi no aghakishi ngo akümllagho pesü mlla nani, eno Pa lau ashoqhi shino ti pape nani.

ISAIAH 19:22

Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

ISAIAH 25:6

Aqokitikhi MPEU no naghuto hipau lono ashiaye kümtsü sala kinikülü chuqupu atsaizü akiviu ghulhu kutotsü nani.

ISAIAH 43:6

I no ahuumi vilo, Phevelo, ipi nani eno apeumi vilo, Khatha püa kevilo, ipi nani; I nuli putou akeqo saghilo, I ngaqo ayeghi shekhauno saghilo,

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

ISAIAH 66:23

Aqhi kithe lono aqhi kithe kutolo, eno Sabbath lono Sabbath kutolo, kümtsü no ighi no I mlla nani,” ipi Ampeu no sheshu ani.

JEREMIYA 31:6

Ephraim ghakhu lo akhemi no ku keu tsala ighi nani: ‘Ithulo, ningu Zion lo Ampeu ni Lhou lau iqhoni nolo.’”

JEREMIYA 43:7

Panongu no Ampeu tsa lumono Egypt yeghi lo Tahpanhes lo ighive.

JEREMIYA 44:28

Ikemu nongu gholo kihikulu khami azütakikihi lono pokalu keqo no Egypt lono Judah lo ideighi nani. Tithiu no Judahmi ghükulumi khunoqo Egypt lo xünike ighi keno, tipaqo no I tsa no keo, pano tsa no kuchou keno ithi nani.

EZEKEL 20:34

I no timi hipaqo launo eno aghakhu khile nongu kutholepe ani keno, tilau no au kumto eno au xachhope aloghu lephe keu lono nongu saipeghive no nongu hekütsü luve nani.

EZEKEL 20:41

Kughou I no ashiayeqo gholono nongu saipeghi eno kuthole püakeu ghakhuqo lono nongu hekütsüni keno, I no alokiqipu xokütsüngü toi nongu ikhilu nani. Eno shiye kümtsü nhethe lono I no I kimthe nongu gholo pephe piye nani.

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

HOSIYA 11:11

panoqo no khokhoshi Egypt lono aghau toi ighi nani, eno miqhedu toi Assyria yeghi lono ighi nani, I no aki lo panoqo puwove nani, Ampeu no asheshu.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

HOSIYA 9:3

Panoqo ye Ampeu yeghi lo ngope move nani, ikemu Ephraim ye Egypt lo idewove nani, eno panoqo no Assyria lo mithekumo chuqupu chunani.

ACHINE 25:9

Tishino aqhi akütsüniu atsala achighiu Lokichile Tsala lo aghakhu kuchopu lo afuko küigha lo.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

ZEKHARIA 14:16

Tishino Jerusalem mjochile ighikeu shiye lo ghülu kemi no ampe atsütsü Akükau, aqokitikhi Mpeu mllani ke eno Apusho lo Ghulhu ikhiluni ke ighi nani.

ZEKHARIA 8:7

Ikehu aqokitikhi Mpeu no pi: Julo, I no kipela ghakhu eno kulola ghakhu lono Iw timiqo xalu nani,

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Rommi 10:18

Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

Piyeküsü 10:7

ikemu kungumi akütsüniu no pa fuko küighani keu ghuloki lono Alhouw tuqhou küsü püakeu shikupu nani, ti ye Pa qemi tungkupmi lau kütüghü püakeu kiqi lono ke.”

Piyeküsü 8:2

Tileno kungumi tsüni khunoqo Alhou zülo acheni keno I no ithulu, eno afuko tsüni pesü panongu tsü.

Piyeküsü 8:6

Ikelo kungumi tsüni khunoqo no afuko tsüni pe akeno tipaqo küighani ke kutoluve.

Piyeküsü 9:14

asütsa huno afuko kipeu kungumi akütsüghou vilo pi, “Kungumi bidi khunoqo tshüpe Euphrates ghoki kije lo püani keno kuqhophe lo!”