ISAIAH 26:19 - Sumi Naga CL (Re-edited) Bible (BSI)

¹⁹ Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

BAIBEL (BSI)

¹⁹ Niwu timi khunoqo thivea keno itaghi xulu nani! Panongu phimpiye akuxulo ideghi nani. Akumolo zuakemiqo kumtsuno idathughi nani eno alokivishi alephe nani. Atsuzu phuphuyi keuno ayeghi vepuxutsu keshi, khunoqo kha-ghino thive keno tipaqo AMPEU no xukithetsu nani.

ISAIAH 26:19 Iomraidhean Croise

JOB 14:8

Tipau kuhu no tekhoi qüilove, eno azüngü no thive aghi namu,

JOB 29:19

I kuhu pesü azü küdau qüsüni eno puthotsü atsüzü no I lokaqo lo qipuku peni,

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

LESHELE 22:15

I kumto ye alitsa toi qhaivae, eno I mili ye I mükhüghi lo meda luvae; Nono akithi yeghimkhu lo I qhive ke.

LESHELE 22:29

Ayeghi lo kinimi kümtsü no chusho no mllae; ayeghimkhu shive kemi kümtsü, pa ampi püxü mlave kemi ghi Pa zülo itsaqi nani.

LESHELE 71:20

No khuu I pelo aveküsa eno amhekiqi ithulupe keno Nono I püxü kithe tsü nani; ayeghi kuthoku lono Nono itaghi I saipeghi nani.

LESHELE 88:11

Akumoki lono Ow iqemokeu kikimiye momu Kütsakungo-a lono O pükhükulu sheshu cheni keshea?

ISAIAH 18:4

Kughengu Ampeu no I vilo pi: “Ghile ghuloki lo akimhi tsüzü toi, tsütsüni lo ghaqhi keu külü toi, I kungo-a lono I no asheshino jupiqi nani.”

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 51:17

O küdaputhulo, o küdalo, O Zion, puthugho lo, nongu khunoqo Ampeu loghu jukhu lono shojuve akeno, nongu no tipau yekhave eno tipau no o pelo izüvuive peke.

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

HOSIYA 14:5

Ni ye Israel lau atsüzü toi nani; pa ye lapu toi puipeghi nani; pa ye Lebanon süboqo toi akuhu qüilo nani;

HOSIYA 6:2

Atsala kini thiu Pa no ningu püxü kithetsü nani; atsala aküthüu lono Pa no ningu sünheqhe nani, tishianguno nino Pa zülo xüni.

ZEKHARIA 8:12

Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.

MATTHEW 27:52

Akumokiqo lhapheve eno küpülümi thive keqo kutomo xüputhuve,

MATTHEW 27:58

Pa no Pilate lau wuno Jisü sükumo khu kelo Pilate no pa tsü penike azah tsüve.

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

1 Kor. 15:20

Ikemu mtsüqheino Khristo ye akithi lono xüputhuvae, zühuve kemi gholo Pa no amsüu xathi ke.

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

ZAKINIU 32:2

I kükütsü no tsütsüghu kighiji toi, I tsapi no atsüzü toi tsüghükhüi pelo, tsütsüghu kümtsha no atsüni kümtsha shou iku ketoi, eno tsütsüghu no ayeghi shou ghupuku ketoi pelo.

ZAKINIU 33:13

Joseph ghenguno pa no pi, “Ampeu no kungugha lo eno ayeghi akuthou lono agho akiviu pesü pa yeghi kümgha tsüe,

ZAKINIU 33:28

Tighenguno Israel ye sükusho lono xücheni, atsütsü lono atsüzü piqitsü keu, athi ngo atsaizü yeghi lo Jacob ye iqüghai xülu cheni.

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

FILIPIAMI 3:21

thokha kümtsü Pa qholo süghi lupe keu küka pesü pa no ni phimpi pesü pa juküvü phimpi toi kilive tsü nani.

SAMUEL ATUGHIU 2:6

Ampeu no pithive eno püxü tsü cheni; Pa no Kithigha lo saiqive no saputhu cheni.