ISAIAH 26:17 - Sumi Naga CL (Re-edited) Bible (BSI)

¹⁷ Totimi no apunudo touve kelo aküsü lono ighamku ihi keshi, nino O zülo tishike, O Ampeu;

BAIBEL (BSI)

¹⁷ No, AMPEU no ningu pelo totimino apunu kusu suakeshi aghime launo igha peke.

ISAIAH 26:17 Iomraidhean Croise

BOTHUBO 3:16

Totimi vilo Pa no pi, “I no mtsüqheino o punu küsü küghüsüve tsüni; no ye aküsü lono atianuli punu nani. Tishimu nono o kimi jumine nani, eno pa no o shou ayepe nani.”

LESHELE 48:6

Panongu ye topumi no apunu küsü sü akeshi khokho shive.

ISAIAH 13:8

Panongu ye thüghüive no apunu küsü sü akeshi aghime no tshüluve nani. Panongu no kichimamashi agi no hughüipe lakhino lakhi jukile nani.

ISAIAH 21:3

Hi ghenguno ni ye totimi no apunu küsü sü akeshi aküsü no I phi kümtsü tsügha luvae; hi chilu eno ithulupe ni ye pishepe apuchopungo auvae.

ISAIAH 37:3

Panongu no Isaiah vilo pi, “Hezekiah no ishi piani: ‘Atsala hipau ye aveküsa, tichetighe, akukujo tsalae; atianuli punu niye milepe ngove akemu shoqhilu kepu küka kühavae.

JEREMIYA 30:6

Itehi ighiju no julo, kiptimi ye anga punulu nani keshea? Imaye kushiye totimi no punu niye akeshi kiptimi kümtsü pa u no apo thape akeu ni ye ithulu ani kea? Kushiye kümtsü no agi phalai ani kea?

JEREMIYA 4:31

Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

JEREMIYA 6:24

Nino tipau sütsa chiluvae; ningu u ye miqemleivae, totimi no apunu küsü sü akeshi amlo ghime no ni tsüqü luvae.

John 16:21

Totimi lakhi no anga pununi kelo, li tüqhüdo ye ighive akehu li ye amloksa shicheni, ikemu kughou no anga punuveni keno, anga lakhi ayeghi lo punu sülukeu lokivi lono li ye aghime kümsü mlave cheni.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.

Piyeküsü 12:2

Li ye mishipusü apunu küsü ghügha shino aghime launo ighaqa ae.