ISAIAH 25:4 - Sumi Naga CL (Re-edited) Bible (BSI)

⁴ Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

BAIBEL (BSI)

⁴ Kumlhomi ngo kuhakemino olau powuke eno shiluksa ghulokilo nono panoqo puxupe qhike. Nono pasapagha launo panoqo kusuqholuve eno pitipuzakeu kushu lono panoqo susholuve. Ayikusamino susutsalalo pasapagha toi leighike, qhaike yeghilo tsughumoveke tsala toike.

ISAIAH 25:4 Iomraidhean Croise

LESHELE 107:41

ikemu aghime lono Pa no akukuphu avehupu shi akemi sünheqhe eno pano kibolomi pesü ambeloji toilu peke.

LESHELE 119:31

O Ampeu, ni ye O kükütsüqo tsüqüpe ani; I pelo akukujo lo ilovepe kevilo!

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 121:5

Ampeu no o khekuto acheni; Ampeu ye o u ajeu o kicheqho ke.

LESHELE 35:10

I ghi kümtsü no pi nani, “O Ampeu, O toi khuu no kumlhomi eno aveküsami pükaqhi chekemi, pano nguno akumtomi launo panoqo xaphe cheni kea?”

LESHELE 55:8

Fukichighi mülhü eno pasapagha launo ni ye mtazü akicheqho phuwuni cheke.”

LESHELE 72:13

Pa no miqemlei eno aveküsami kimiye cheni, eno aveküsami küxü xalu cheni.

LESHELE 72:4

Pa pelo kumlhomi chipiu süsho tsü kemi shipelo, aveküsami nuliqo xaphelu pelo, eno qhaküsümi qodaqhi pelo!

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 14:32

Shiye ghinimi vilo kiu khochileni kea? “Ampeu no Zion puthuphe, eno Paw timi aveküsami no ti ijelu cheni.”

ISAIAH 16:3

“Mije tsülo; kuchou xakütha tsülo; puchomghü lo o kicheqho pesü putho hutoi ni khonha luve tsülo; hapheve kemi sasü tsülo; kupokichemi kichephetsü kevilo;

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 27:5

Tikumo aye panongu pelo Iw sükusho qholo ngolu pelo, iyei, pano pelo I sasü külashi pelo.”

ISAIAH 28:6

kuchou xakütha nguagha pesü küghatha chekemi tsü nani, akumto pesü khagho lo aghümi tuchile chekemi tsü nani.

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

ISAIAH 29:20

Kughengu ayiküsami ngo thoküghami eno alhoksa kughu chekemi qhoi kütsaleve nani,

ISAIAH 29:5

Ikemu no ghümi aqokitikhi timi kichiqhi chekeqo ye amkhu eno amuu fupe cheke toive nani. Eno paikhavi, züleno,

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 33:16

pa no qhemghaike-a lo xü nani; atuqu liwo no pa sükusho-a shi nani; eno pa sala chuqu-kusho ye püqüve mo nani.

ISAIAH 33:2

O Ampeu, nino O laju anike ni lau küpüqhiyi tsülo. Ina atsütsü ni kumtou shitsülo, aveküsa ghuloki lo ni xalu tsülo.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 49:25

Kughengu Ampeu no ishi piani: “Akumtomi no akughu shipüa keqo ghi xapheve nani; mkamihi kemi no küghape püakeqo ghi xapheve nani; kughengu I no nongu mjo chekemi mjochile nani, eno nongu tianuliqo xalu nani.

ISAIAH 57:13

Kughou nongu no ighamkuni keno, nongu no ajulho kütsüpe püakeqo pelo nongu xaphetsü pelo! Amülhü no tipaqo fupesü wuve nani, atuthu no tipaqo fupesü wuve nani. Ikemu khunono I pükhü cheni keno ayeghi lo xülu nani eno I kimthe naghuto ighilu nani.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

ISAIAH 8:14

Pa ye akimthe-a, ikemu Israel ngo Judah ghenguno küpxa kepu tu, apukhu küpsüpu tuqu ghike, eno Jerusalem lo küami ghenguno alichhe lakhie.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

EZEKEL 38:9

Pasapagha cheke toi nongu no azüu wunani. No eno ow aqokitikhi eno ashiaye kutomo o gholo akeqo no khüngküsü toi ayeghiqha küzüluve nani.

ZEFANIA 3:12

Ikemu I no nongu gholo akümtshami eno aqhokighemi qhitsü nani. Panongu no Ampeu jelono aküghütshü-a phu nani,

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?