ISAIAH 25:1 - Sumi Naga CL (Re-edited) Bible (BSI)

¹ O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

BAIBEL (BSI)

¹ O AMPEU, noye iLhou ke; Ino ogihuni eno oje sheqheni. Kughengu nono akumzapu kumla shike; Nono ado kushuwa lono kughu pe puakeu amikuchoshi shiwoke.

ISAIAH 25:1 Iomraidhean Croise

LESHELE 111:4

Pa no Paw akümzapu kümlaqo kümsü lupe acheni; Ampeu ye küpükini eno kimiyekini ke.

LESHELE 118:28

No ye I Lhou, I no shikimthi keu O tsüni; No ye I Lhou; I no O sheqheni.

LESHELE 145:1

I Lhou eno I kükau, I no O sheqheni, pülhapuju eno alholo O jepipi tsüni.

LESHELE 146:2

I no xüake tivilo ni ye I Lhou sheqheni. I küxü akelo ni ye I Lhou lau shikipili le pheni.

LESHELE 31:15

I do-ghuloki ye O u lo ani; I ghümi eno I pishipuju kemi u lono I xalu tsülo!

LESHELE 40:5

O Ampeu I Lhou, Nono ni lau Ow akümzapu kümla eno O kükümsü kutho kutomo shitsü; khunomu O sasü kimghi mlae! I no asheshuni eno tipaqo pini, ikemu ti ye pikhaluni chemoe.

LESHELE 40:6

No ye aghakishi eno akümllagho shou alokiqi shimoe, No ye akipti kümllagho eno axine kümllagho avehupu shimoe, ikemu Nono O kini kugho puwo I tsüe.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 75:2

“I no ado kutope qhipüa keu do ghuloki lono I no müzüchoi küghatha nani.”

LESHELE 78:4

Pano tianuli launo ningu ye tipaqo küsüve moni, ikemu Ampeu juküvüpu kümla ngo Pa kughushu, eno akümzapu kümlaqo khikhi Pa no mla keno tipaqo pesü ighini keu tiqhelimi vilo pini.

LESHELE 89:1

I no alholo Ampeuw iqemokeu kikimiye le pheni; O pükhükulu ghili tiqheli kümtsü lo I kichi lono sheshuni.

LESHELE 98:1

O ale kithe phepe Ampeu shipili lo, kughengu Pa no akümzapu thimeqo shike; Pa u ajeu eno Pa kimthe u no pa ghenguno xakulu süghike.

LESHELE 99:5

Ampeu ni Lhou süqhelo; Pa pukhu kinepu lono mllalo! Pa ye akimthe ke!

IPEKULU 15:2

Ampeu ye I kumto eno I le ke, eno Pa ye Iw xakuluu shivae; hi no I Lhou ke, I no Pa sheqheni, I pu Lhou, I no Pa süqheni.

ISAIAH 11:5

Achipiu-mikucho no pa pokha shino pükhükulu no paw chighichepu shinani.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 26:13

O Ampeu, ni Lhou, O nguno ampeu kütami no ni shou ayepe, ikemu nino O je likhi kümsülu cheni.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ISAIAH 28:29

Hi ghi aqokitikhi MPEU launo ighi, Pa lokütsü ye akighiche eno Paw mijekütsü ye akümzapue.

ISAIAH 40:27

O Jacob, O Israel, kushiye ishi muchho ghi pike likhi kea, “Ampeu ye ni launo itshüvae eno I Lhou no I chipiu ithitsü movae.”

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

ISAIAH 46:11

I no kipelau no ashikuchu ghau kusaghi peke, I kimji shikupu tsüni keu timi lakhi aghacheu no kue. I no pivae, I no ti shikupu nani; I no kughuvae, I no ti shinani.

ISAIAH 49:4

Ikemu I no pi, “Ni ye adou lono aghimeshi mlaithavae; ni ye adou eno akiqi kühakeu lono I küka puwovae, ikeghi mtsüqheino I chipiu ye Ampeu gholo ani, eno I saxü ye I Mpeu gholo ani.”

ISAIAH 49:5

Itehi Ampeu khuu no I no atita lo akelono Pa qeu shipeniye I lhoe, I pelo Pa lau Jacob saghipe, eno Israel pelo Pa lau hekütsü peniye shi keno— ni ye Ampeu nhethe lo agigihupu shi ani eno I Lhou no I kumto shive akehu— Pa no piani,

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

JOYIL 2:26

“Nongu no kupukuno shi chuno aghapiqilu nani, eno Ampeu nongu Lhou khuu no akümzapu shi nongu lau mla keno, Pa je sheqhe nani. Eno Iw timi ye khilemu shikukujo kitheve monani.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 7:12

pi, “Amen! Shekiqhe eno ajuküvü, alokütsü eno shikimthikütsü, agigihu eno aküka kumto ye alholo eno pülhapuju ni Lhouw ke! Amen.”