ISAIAH 24:5 - Sumi Naga CL (Re-edited) Bible (BSI)

⁵ Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

BAIBEL (BSI)

⁵ Timiqono Alhou yehqo hebidevekeu lono eno pano puloshoqhi alhokupuju achepe nikeu hepusakeu lono ayeghi kitiqeveke.

ISAIAH 24:5 Iomraidhean Croise

SAMUEL AKINIU 23:5

“I kibo ye titoi Alhou gholo puthugho acheni kekumo? Kughengu Pa no I sasü lhokta puloshoqhi shivae, thokha kithikiyi eno mtotoivae. Kughengu Pa ye I kuphutsü eno I kimji shikupu tsümoni keshea?

KUKAMI AKINIU 21:12

tighenguno Ampeu Israel Lhou no ishi piani: Julo, I no Jerusalem ngo Judah shou chikulumi pelo akini ghi mthomzai pekepu küsakusho puwuni.

KUKAMI AKINIU 21:15

kughengu pano puasüqo no Egypt lono ipeghi ke tsala lono ishi kutolo I zülo kiu no axine keno ti shino tino I mlo shikighide tsüe.”

YEKIKITHI AKINIU 33:9

Ikemu Israelmi zülono Ampeu no shiye kütsave keqo no shiche keu nguno aküsau Manasseh no panongu sawo axine shivepe.

LESHELE 105:10

Pa no xaküthaza shi Jacob lau iqhikithe no Israelmi lau pülhapuju puloshoqhi shike,

LESHELE 55:5

Akümsa ngo thüthüshi keu I shou ikughi ani, eno kümsa kimshipu no I khonha luvae.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 33:8

Kicheghüzümi kühave no alaghila ye küghüvae. Puloshoqhiqo hexavae; thopimi jukünatha auvae; khunomu khuu kihi movae.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

JEREMIYA 11:10

Panongu ye I tsa milive no pano puasü xine lo idewovae. Panongu ye alhou kütauqo huthu nike pape wuvae. Israel ngo Judah kibo ye I no pano puasü sasü puloshoqhi shikeu hephovae.

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

EZEKEL 16:59

“Kughengu Ampeu Alhou no ishi piani: Nono mlave ketoi I no o lau shinani, no ye puloshoqhi kubove keu vecheo küthakügha shivae,

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

EZEKEL 20:24

kughengu panongu no Iw pimheye gholu move, I khuaye milive eno Iw Sabbath shikitiqeve, eno panongu nhethi no pano puasüqo süatu julho shou jupuku auveke.

EZEKEL 37:26

I no panoqo sasü külakishi puloshoqhi shi nani. Ti ye panoqo sasü shekhaha puloshoqhi shikeu ke. I no pano yeghi lo panoqo qhino kughukotsü nani, eno alholo panoqo gholo I kimthe-a qhinani.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

DANIEL 9:10

eno Ampeu sütsa gholumo, Pa yezah khikhi Pa qemi tungkupmi vecheo ningu zülo qhitsü keno ningu no tipau gholu move ke.

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

HOSIYA 6:7

Ikemu Adam toi panongu no puloshoqhi hebideve; tilau panoqo ye I pükhü mlave.

ACHINE 20:22

“Iw pimheye eno akhuaye kümtsü pelulo, tishianguno I no nongu sasü ilo chekeu yeghi lo nongu ye xülu no puqule monani.

ACHINE 26:35

Nongu no ache kelo ayeghi no Sabbath ithumla no achekeu itehi ye pighive no yenguyi akulhokiqhi ithulu nani.

MICAH 2:10

Ithu no wuvelo, kughengu hi ye akulhokiqhi-a kumoe, mithekumo khikhino shishe kütsakungo cheni keno tipau ghenguno ke.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 9:1

Puloshoqhi atüghüu ghi akümlla khuaye eno ayeghilo kimthe-a acheke.

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

JOSHUA 24:25

Tighenguno Joshua no timiqo sasü tipa tsala lo Shechem lono puloshoqhi shino pape kepu khuayeqo kithipe qhitsü.