ISAIAH 21:9 - Sumi Naga CL (Re-edited) Bible (BSI)

⁹ julo, khurkulu küsami chenie!” Eno pa no pi, “Ikiqivae, Babylon ye ikiqivae; pano lhou julho qhoi aghümi no kuboleve tsüae.”

BAIBEL (BSI)

⁹ Zuleno panongu cheghive! Timino khurshi shou iku puzu ajo kinini shi. Aghukheuno asutsa pipuwu “Babilon ikiqivae! Panonguno ajulho mllachekeu kumtsu ayeghi shou kubo kighiniyi ikiqivae.”

ISAIAH 21:9 Iomraidhean Croise

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

ISAIAH 14:4

tileno nongu no Babylon kükau cheqhi nani: “Qhaküsüu ye kishi ikiqive akelae, ayiküsau huye kishekhavae!

ISAIAH 2:18

Ajulho kümtsü kishekhave nani.

ISAIAH 21:7

Kughou pa no khurkulu, khurha momu sayeshi küsami ithuluni keno pa pelo tsaqütsalei ini pelo.”

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

ISAIAH 47:9

Atüqhüdo kini o lau ighi nani paikhavi no atsala lakhi lono ighi nani; nono küdüu jeli peithaju anamu eno asakiqhi kumto anamu atianuli thive keu ngo chimemi shive keu küma ighi nani.

ISAIAH 48:14

“Nongu kümtsü kumqope inilo! Hipaqo dolo khuu no avehu hipaqo sheshu püani kea? Ampeu ye pa kimiye ani; Pa no pa kukughu Babylon shou shi nani, Pa u Chaldeami shou iku nani.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 50:38

Li züghi ye chethovepe nani! Kughengu aghakhu ye ajulho yeghi shivae eno panongu ye ajulho no shiküghüzü auvae.

JEREMIYA 50:42

Panongu no shexilika ngo apiji pecheni; panongu ye ayiküsa eno kimiyekini kühae. Pano ghügha ye azüghi toi igha, panongu ye khurshi sacheni, aghüshi kikithi lono kutope o lau cheae, O Babylon limi!

JEREMIYA 50:9

Kughengu julo, I no ahuu no akumto shiyeqo hekütsü no Babylon leighi peni. Panongu no Babylon sasü aghü shinike ajoshi kutope ngo nani eno tileno Babylon ye leluve nani. Pano pijiqo ye aghütomi toi eno kapuwu kelo khilemu kümsa ideighi moe.

JEREMIYA 51:27

“Ayeghi lo michiphi süqhelo; shiyeqo dolo afuko küighalo; Babylon lenike shiyeqo kutolo; Ararat, Minni, eno Ashkenaz kükaqhaqo kukütsü lo; sakipheu kishelo eno tülhaqu loji toi khurshiqo saghi lo.

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

JEREMIYA 51:47

“Julo, I no ajulho kümlla ghimeni keu tsala wocheni; li ghakhu kümtsü shikukujo nani, tile akeqo kümtsü no ikiqi thikhave nani.

JEREMIYA 51:52

“Ikehu, Ampeu no sheshu, I no li julho shou küghathani keu tsala cheni, li ghakhu kümtsü lo izave kemi no aküsü xapu igha nani.

JEREMIYA 51:64

eno ishi pilo, ‘Babylon ye hitoi pütsüqhive nani, I no li shou kütsakungo süghi niye akeu ghenguno eno ithughi move nani eno panongu kümtsü püghave nani.’” Jeremiah tsa hileno kishekhave ani.

JEREMIYA 51:8

Babylon ye züleno ikiqive no kütsalevae, li kümsü qalo! Li küsü ghenguno nukümtshau lulo, tinomu li shipivi luvie.

Piyeküsü 14:8

Kungumi akiniu no küpape ghi hitoi sheshu ighi, “Ikiqivae, Babylon akijeu, khuu no pitipüza ashupu asalha xine jukhu pesü shiye kümtsü shokümzü chekeno, li ye ikiqivae.”

Piyeküsü 18:2

Pa no asütsa kuloghi lono ighamku pi, “Ikiqivae, Babylon akijeu huye ikiqivae! Li ye tüghami kungo-a, mithekumo ghawu, mithekumo ghau, mithekumo eno aphikümqhüpu tüghashi jeli kümtsü kicheqho-a shivae.

Piyeküsü 18:21

Tileno kungumi kumto lakhi no atuqu kuloghi lakhi athi kütsüghü tuqu toike ikhipe azüghi lo vesüve no pi, “Akiqheu mishighüna Babylon ghi hitoi ngukangugha shi kütsakungove no khilemu ithulu kithe move nani;