ISAIAH 21:1 - Sumi Naga CL (Re-edited) Bible (BSI)

¹ Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

BAIBEL (BSI)

¹ Hiye Babilon ghenguno atsape lakhike. Miyitsutsuno asayeqhalo jole ighi keshi akuighupu ghakhu kudauno kutsa kungo keu ighi nani.

ISAIAH 21:1 Iomraidhean Croise

JOB 37:9

Apeu mülhü no pasapagha miyitsü süghi cheni eno ahuu no akumkogha ighi cheni.

ISAIAH 13:1

Amoz nu Isaiah no Babylon ghenguno ithulu keu tsape.

ISAIAH 13:13

Aqokitikhi MPEU xukighide tsalani Pa loghu lono atsütsü süküghütha, eno ayeghi kilhe pheve nani.

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

ISAIAH 14:14

ni ye khüngküsü kiqhe-a shou ikuno I küghape Shishe Akiqheu toiveni.’

ISAIAH 14:23

“I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

ISAIAH 17:1

Damascus ghenguno pimhelu keu tsape. Julo, Damascus ye ixapinyive no aphughi ghi kühave nani.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

ISAIAH 5:28

pano piji ye mtsüsüi eno asüzü ye piqevae, panow khurshi pukhumtsü no atu kümka toi, eno khurkulu pukhu no miyitsü toie.

JEREMIYA 51:1

Ampeu no ishi piani: “Julo, I no ghikiqhiu ghungu xukuthope Babylon ngo Leb-kamaimi shou puku nani,

JEREMIYA 51:42

Azüghi fukukucho no Babylon küzüpho luvae.

JEREMIYA 51:51

‘Ni thogha ke ghenguno ningu ye kujovae; akukujo no ni gi küzü luvae, kughengu inaghami no Ampeu ki alou akimthe-a lo iloghivae.’

EZEKEL 1:4

I no ju akelo pasapagha mülhü lakhi ahuu no ighi eno khüngküsü kije lakhi yevüqai keu no vehomxape ae, ami no tamono kulophapha ae, eno ami mta lo ayi no yepüvü ketoi ae.

EZEKEL 30:11

Pa eno pa paw timi, shiyeqo dolo ayiküsau, ayeghi kütsani ke saghi nani, panongu no Egypt mjochileni ke azütakikihi pesü ghiqhi no akumo no ayeghi chhitoi nani.

EZEKEL 31:12

Shiyeqo dolo ighono ayiküsau, inaghami no tipau yeqhive no qhivae. Naghutoqo lo eno akhilaqo lo tipau lokaqo ye ikiqivae, tipau lokaqo ye ayeghi lo kipekuloi ke-a kümtsü lo ikiqivae, eno ayeghi lo timiqo ye tipau kicheqho qhive no wukhavae.

EZEKEL 38:9

Pasapagha cheke toi nongu no azüu wunani. No eno ow aqokitikhi eno ashiaye kutomo o gholo akeqo no khüngküsü toi ayeghiqha küzüluve nani.

DANIEL 11:40

“Ashekha ghuloki lo apeu kükau no pa le nani, ikemu ahuu kükau no khurkulu, khurshimi, eno zükilu kutomo lono miyitsü toi pa shou ighi nani. Eno pa no aghakhuqo jole ighi no qhasü luve nani.

ZEKHARIA 9:14

Tileno Ampeu no panongu lau ipeghi nani, Pa piji no tsütsüpha toi ighi nani; Ampeu Alhou no afuko küigha nani eno apeu miyitsü lono ighi nani.