ISAIAH 2:6 - Sumi Naga CL (Re-edited) Bible (BSI)

⁶ No Ampeu ye kuchou no Ow timi Jacob laghami kileqhivae, kughengu panongu ye kipelau küdüu lhoaye eno Philistiami toi tuumi pülü keu no chhivae, panongu no inaghami sasü au küküsü luvae.

BAIBEL (BSI)

⁶ O Alhou, noye owu timi Jakob laghami qhiveke! Ayeghi kumtsu kipelau ngo Filistiyami launo sughikeu kuduu shichekeuno chhivae. Timiqoye inaghami ghushoghili pape wuvae.

ISAIAH 2:6 Iomraidhean Croise

KUKAMI AKINIU 1:2

Ahaziah ye Samaria lo kükaki kunguu chebo lo ake lono ikiqive no aloqhi izave. Tileno pa no aghinimi khami hape pi puwu, “Wulo, eno Baal-zebub, Ekron lhou vilo ni ye vilu nani kemo keno ighiju lo.”

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 24:20

Tile Alhou Ghungu no achineu Jehoiada nu Zechariah peitha luve, eno pa no timiqo zülo puthugho no ighamku pi, “Alhou no ishi piani, ‘Nongu ye kushiye Ampeu no azah tsükeu hebideve keu lono ikoishe mlave ani kea? Nongu no Ampeu pheve kehu Pa no nongu phevae.’”

NEHEMIA 13:23

Tipa ghuloki lo Judahmi kutomo no Ashdod, Ammon, eno Moab limiqo sasü külave keu ghi I no ithulu.

LESHELE 106:35

ikemu shiyeqo sasü kitekungo xüuve eno panongu no shiche keqo shika luve.

IPEKULU 22:18

“Nongu ye küdüu limi pelo xüpe kevilo.

IPEKULU 34:16

nongu no pano ngaqo pesü nongu nuli nipu shi lutsü, eno anga tipaqo no pano lhouqo sasü kütüqha no nongu nuli pesü itaghi tipaphi shiuvepe nosae.

AHOLE 6:1

I nu, tsala inaghami momu o küsau no apiagha puve kelo nono love tsünie pi püaghi aye,

ISAIAH 14:29

O Philistia, nongu ghimeche keu küsü ichevae pi alovi kevilo, apighi kuhu lono tsütsüla ipeghi nani, eno pa ti no athicho pighi toi nani.

ISAIAH 8:19

Eno timi no nongu vilo, “Asakiqhimi ngo kithixashemi lau küsütsa julo” ipi kelo, panongu ye pano lhou lau küsütsa kelauke kumo? Panongu ye küxümi züqhushi kithimi lau kighinikile akelau keshea?

JEREMIYA 10:2

Ampeu no ishi piani: “Shiyeqo laghi pape kevilo, momu atsütsü lo amchipuqo jupe thüghüi kevilo kughengu shiyeqo ye tipaqo no shithüghüi ani,

JEREMIYA 12:7

“Ni ye I kibo phevae, Ni ye I mheghi qhivae; I ngulho no qhuivü chekeu pesü li ghümi u lo süve tsüae.

AKUMLO 5:20

Kushiye No ye pülhapuju ni kümsümave ani, kushiye No ye atsala kutomo ni qhive ani kea?

ACHINE 19:31

“Tumumi momu kithixashemi lau wumoni; panongu vecheo nongu shikitiqe moni: Ni ye Ampeu nongu Lhou ke.

ACHINE 20:6

“Khuana no tumumi momu kithixashemi küsütsa eno tipaqo lau wu aye, I no pa launo I gi kughove no Iw timiqo gholono hapheve nani.

MICAH 5:11

No yeghi lo mishighünaqo I no kütsave tsü nani eno now sükusho-aqo tuleqhive tsü nani;

MICAH 5:12

I no nongu launo atumu kütsave tsü nani eno nongu ye asakiqhimi kühave nani;

ZEFANIA 1:8

Eno Ampeu ghakishi tsalani— “I no hiyampemi, akükau nuliqo eno inaghami phimini xapuche kemi kümtsü ghime nani.

AKIKIHI 23:7

Balaam no tungkuptsa hipau pitsü: “Balak no Aram lono I sasü ighi, kipela naghuto küdau Moab kükau: ‘Ighilo, I ghenguno Jacob ghusho lo, ighilo, Israelmi müsüinive lo!’

Rommi 11:20

Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

SAMUEL ATUGHIU 6:2

Philistiami no achinemi ngo tumumi ku no pi, “Ningu ye Ampeuw Puloshoqhi Bohu pesü kiu shiveni kea? Kiu pesü tipau gholo küqhano pa-a lo tsüchile puwoveni kela ni vilo pilo.”