ISAIAH 19:21 - Sumi Naga CL (Re-edited) Bible (BSI)

²¹ Ampeu ampi no Egyptmi lau pephe piye nani, tipa ghuloki lono panongu no Pa ithi no aghakishi ngo akümllagho pesü mlla nani, eno Pa lau ashoqhi shino ti pape nani.

BAIBEL (BSI)

²¹ AMPEU ampi no Ijip lo akemi lau pephepiye nani eno tileno panonguno pa ikhilu eno pa mlla nani eno pa lau lhoxu heqhi eno akumllagho peighi nani. Panonguno amlo tsuqhiyi keu shoqhi shi nani eno piqhive keu toi shikupu nani.

ISAIAH 19:21 Iomraidhean Croise

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

LESHELE 61:8

Ikehu I no tsala kipetsü I shoqhi shikupu keu shi alholo O je sheqhe ale pheni.

LESHELE 67:2

tishianguno ayeghi lo shiye kümtsü no O laghi ithi, Ow xakulu küka ithi penie.

LESHELE 68:31

Egypt lono aküxü kivimi ighi nani; Cush no akimighi shi Alhou lau li u süqhe nani.

LESHELE 68:32

O ayeghi lo kükaqhaqo, Alhou lau ale phelo; Ampeu lau shekiqhe le phelo,

YETSAPIU 5:4

Kughou nono Alhou lau tushoqhini keno, ti shikupu nike süpushu kevilo. Pa ye anikhami shou amlo kiqi kühae. Nono piqhive keu shikupu lo.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

ISAIAH 44:5

Timi hipau no pinani, ‘Ni ye Ampeuw ke,’ milakhiu no Jacob lau ighamku nani, lakhiu no pa u lo ‘Ampeuw’ ipi yepuku nani, eno pa je Israel ipi ku nani.”

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 55:5

Julo, itehi nongu no mtha kemi shiye kupuwu nani; eno shiye nongu mtha kemi no nongu lau po ighi nani, kughengu Ampeu nongu Lhou, Akimtheu Israel Lhou no nongu pesü ajekipipu shive tsüke.”

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

ISAIAH 66:23

Aqhi kithe lono aqhi kithe kutolo, eno Sabbath lono Sabbath kutolo, kümtsü no ighi no I mlla nani,” ipi Ampeu no sheshu ani.

JONAH 1:16

Tileno timiqo ye shishe Ampeu msave, eno panongu no aghakishi kümllagho pesü Ampeu mlla eno ashoqhi shie.

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

ZEFANIA 3:10

Cush ghoki kukuu no I mlla chekemi, Iw timi apanaghave kemi no akümllagho süghi nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

SAMUEL ATUGHIU 17:46

Ishi tsala lono Ampeu no o pesü I u lo süvetsü nani, eno I no o ghiqhive no o kütsü micheve tsü nani. I no Philistiami aqokitikhi sükumoqo pesü aghau ngo tüghashiqo tsüve nani, tishikeu lono ayeghiqha no Israel lo Alhou anie pi ithi peni,